Փաշինյանն ընդդիմությանը փորձում է ներքաշել ցածրակարգ դիսկուրսի դաշտ
Որքան մոտենում են խորհրդարանական ընտրությունները, այնքան գործող իշխանությունների ներկայացուցիչներն ու, հատկապես, վարչապետի պաշտոնը զբաղեցնող Նիկոլ Փաշինյանը կորցնում են իրենց ինքնատիրապետումը։ Ակնհայտորեն վախենալով ընդդիմադիր դաշտի խոշորացման միտումներից և ցուցադրելով իր վախերը երեք քաղաքական միավորների ակտիվացումից՝ Փաշինյանն անցել է նրանց սադրելու գործողություններին։
Երեկ կառավարության նիստից հետո լրագրողների հետ ճեպազրույցում նախ հայտարարել է, թե այդ կուսակցությունները և շրջանակները դեմ են խաղաղությանը և անխուսափելի պատերազմ են ուզում բերել՝ ծանր հետևանքներով, ապա և անցել է վիրավորելուն և սադրելուն։ Դրանից հետո էլ մի քանի տեսանյութեր է տարածել իր սոցիալական ցանցերում՝ իբր ծաղրելով ընդդիմադիր առաջնորդները առաջնորդների ֆիզիկական և մտավոր ընդունակությունները։
Այս գործողություններով Փաշինյանը ցանկանում է ընդդիմությանը ներքաշել իրեն հոգեհարազատ դաշտ, որտեղ նա անգերազանցելի է։ Բարեբախտաբար, ընդդիմության և, հատկապես, «Ուժեղ Հայաստանի» ներկայացուցիչները շատ արագ հասկացան Նիկոլ Փաշինյանի այս մարտավարության բոլոր նրբությունները և հրաժարվեցին նրան իր իսկ բառապաշարով պատասխանելու գայթակղությունից, ավելի քաղաքակիրթ եղանակներով արձագանքեցին Փաշինյանի հայտարարություններին։ Գործող իշխանության ամբողջ նպատակը մեկն է՝ հանրության մոտ տպավորություն ստեղծել, թե իրենք շատ ավելի ուժեղ են, քան ընդդիմությունը, իսկ այլ հնարավորություններ չունենալով՝ իշխանությունը փորձելու է ընդդիմությանը ներքաշել իրեն հոգեհարազատ, ցածր դիսկուրսի մակարդակ, որտեղ, բնականաբար, շատ ավելի ուժեղ են իշխանության դիրքերը, քան ընդդիմության։
Իսկ Փաշինյանի այս հայտարարություններին արժե պատասխանել ոչ թե իր իսկ բառապաշարով, այլ քաղաքակիրթ, լավ հաշվարկված հայտարարություններով, որպեսզի ժողովուրդն իրքր տեսնի, թե ով ով է և ինչ բարոյական ու քաղաքական արժեքների կրող։
Սոնա Գալստյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
