Ինչո՞ւ է «Գորշ գայլերի» նշանը ասոցացվում քպականների ժեստերի հետ. «Փաստ»
«Փաստ» օրաթերթը գրում է.
Վերջին շրջանում սոցիալական ցանցերում ակտիվ քննարկման թեմա են դարձել իշխանական շրջանակների կողմից կիրառվող խորհրդանշական ժեստերը։ Խոսքը հատկապես այն հայտնի «սրտիկի» մասին է, որը իշխանության ներկայացուցիչները ցույց են տալիս հանրային հանդիպումների ժամանակ և ցանկանում են դարձնել իրենց նախընտրական խորհրդանիշ։ Օգտատերերի մի հատված ուշադրություն է հրավիրում, որ այդ ժեստը որոշ դեպքերում հիշեցնում է թուրքական ծայրահեղական «Գորշ գայլեր» կազմակերպության հայտնի տարբերանշանը։
Տարածվող մեկնաբանությունների համաձայն, հարցը միայն արտաքին նմանությունը չէ։ Շատերը նշում են, որ խնդիրը առաջին հերթին իշխանության ընդհանուր քաղաքական ընկալումն է։ Եթե որևէ մեկի կողմից նման ժեստ արվեր սովորական պայմաններում, գուցե այն ընդհանրապես ուշադրություն չգրավեր։ Սակայն ներկայիս իշխանության գործողությունների և հայտարարությունների համատեքստում նույնիսկ նման մանրուքները սկսում են դիտարկվել այլ լույսի ներքո։ Վերջին տարիներին հանրային դիսկուրսում հաճախ են հնչում մեղադրանքներ, որ իշխանության մի շարք քայլեր կամ հայտարարություններ չափազանց սինխրոն են Թուրքիայի և Ադրբեջանի շահերի հետ։ Այս ֆոնին էլ սոցցանցերի օգտատերերի մի մասն սկսել է ավելի քննադատական հայացքով դիտարկել նույնիսկ այն ժեստերը, որոնք իշխանության ներկայացուցիչները ներկայացնում են որպես պարզ և անմեղ խորհրդանիշներ։
Շատ օգտատերեր նշում են, որ եթե որոշ դեպքերում նման համընկնումները կարող են նույնիսկ պատահական լինել, խնդիրն արդեն ձևավորված քաղաքական ընկալումն է։ Ըստ նրանց, հասարակության զգալի մասի համար իշխանության կերպարը աստիճանաբար ստացել է չափազանց պրոթուրքական բնույթ, և հենց այդ պատճառով էլ ցանկացած նմանատիպ դետալ՝ լինի խոսք, քայլ կամ նույնիսկ ժեստ, անմիջապես ընկալվում է այդ համատեքստում։
Այս համատեքստում սոցցանցերում հաճախ հիշեցնում են նաև մեկ այլ հանգամանք. խոսքը ՔՊ կուսակցության խորհրդանիշի մասին է։ Կուսակցության լոգոն արտաքին նմանություն ունի թուրքական կուսակցության լոգոյի հետ և կարծես վերցված է հենց այնտեղից։ Թեև իշխանության ներկայացուցիչները նման համեմատություններին չեն արձագանքում, սակայն յուրաքանչյուր պրոթուրքական քայլից հետո այդ թեման պարբերաբար վերադառնում է հանրային քննարկումների դաշտ։
Մանրամասները՝ «Փաստ» օրաթերթի այսօրվա համարում
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
