Մարզերում տեսնում ենք բացարձակ վստահություն Սամվել Կարապետյանի նկատմամբ. Արթուր Դանիելյան
Հանրության տրամադրությունները ստուգելու համար սոցիոլոգիան այն գիտությունն է, որը տարբեր մեթոդներ կիրառելով, երբեմն նաև արդյունքները մանիպուլացնելով, կարող է արդյունքներ ներկայացնել։ Այս մասին լրատվամիջոցներին ասաց «Ուժեղ Հայաստան» կուսակցության ներկայացուցիչ Արթուր Դանիելյանը։
Նրա փոխանցմամբ՝ կա մեկ այլ ճանապարհ՝ նախընտրական փուլում նաև հայրենակիցների հետ հանդիպումները, շփումները։
«Մեր ներկայացրած հարցումները փաստում են նույն այն հանգամանքը, որը մենք տեսնում ենք մարզերում շրջելով, մեր հայրենակիցների հետ հանդիպելով, և այն է՝ բացարձակ վստահություն Սամվել Կարապետյանի նկատմամբ։ Այդ վստահությունը մենք ստանում ենք մեր հայրենակիցների հետ շփվելով, իրենցից տեսնում ենք փոփոխությունների ցանկությունը և տեսնում ենք մեծ ցանկություն, որպեսզի հաջորդ վարչապետը լինի Սամվել Կարապետյանը»։
Լրագրողների հարցին, թե իշխանությունները տարածում են, փնտրում են այսպես ասած ՌԴ «ականջները» Սամվել Կարապետյանի տեսքով, պատասխանելով՝ Դանիելյանն ասաց ասաց, որ իշխանությունները ամենատարբեր ստերով ու կեղծիքներով փորձել են և հիմա էլ փորձում են Սամվել Կարապետյանին ասոցացնել այլ ուժերի հետ։
«Սակայն, մի բան ակնհայտ է, որ Սամվել Կարապետյանը հենց ինքն է ուժեղ անհատ, և այլ ուժերի աջակցության անհրաժեշտություն չկա՝ բացի մեր ժողովրդից, մեր հայրենակիցներից։ Ինչ վերաբերվում է , որ իշխանություններն ունեն դրսից աջակցությմուն, կոնսենսուս հարցին,
ես չէի ասի, որ միանշանակ դրսից կոնսենսուս աջակցություն կա իշխանությունների նկատմամբ։ Ինչ-որ քաղաքական գործչի որևէ ամբիոնից ելույթ ունենալուց հետո ծափողջույնները դեռևս չեն նշանակում, որ նա ունի աջակցություն։ Երբեմն հնարավոր է նաև քաղաքավարությունից ելնելով ջերմ ընդունելություն, ջերմ խոսքեր, բայց ՀՀ-ում իշխանությունը պետք է ձևավորվի միայն հայ ժողովրդի աջակցությամբ, և կողմնակի միջամտությունները կամ արտաքին ուժերի կողմից արվող հայտարարությունները մանիպուլատիվ ձևով հանրությանը ներկայացնելը մեզ համար անընդունելի է», - եզրափալեց Դանիելյանը:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
