Ի՞նչ է պատրաստում Արտաքին հետախուզության ծառայությունը
Արտաքին հետախուզության ծառայությունը տարօրինակ մի հայտարարություն է տարածել, իբր «այլ երկրում ՀՀ քաղաքացների նկատմամբ գործադրվող ճնշումների և սպասվող ընտրական գործընթացներին միջամտության վերաբերյալ»։ «Հետախուզական տեղեկություններ են ստացվում, որ այլ երկրում տվյալ երկրի հատուկ ծառայությունների անունից հանդես գալով, տարբեր դերակատարներ փորձում են ճնշում գործադրել հայազգի և ՀՀ քաղաքացի հանդիսացող ու տվյալ երկրում տնտեսական գործունեությամբ զբաղվող անձանց նկատմամբ՝ վերջիններիս մղելով Հայաստանում սպասվող խորհրդարանական ընտրություններին մասնակցության հայտ ներկայացրած քաղաքական որոշ ուժերին աջակցելու գործողություններ իրականացնելուն, որոնք ներառում, սակայն չեն սահմանափակվում տվյալ քաղաքական ուժերին նշված գործարարների կողմից ֆինանսական և կազմակերպական բնույթի աջակցության գործողություններով»,- ասվում է հայտարարությունում։
Փաշինյանի օրոք ստեղծված և գլխավորապես, բրիտանական ազդեցության տակ գտնվող այս կառույցը, որը գործող իշխանությունը փորձում է դարձնել ԱԱԾ հակակշիռը, պարբերաբար նման խորհրդավոր տեքստեր է երկնում՝ փորձելով ծխածածկույթ ապահովել փաշինյանական թիմի սպասվելիք ապօրինությունների համար։ Այս հայտարարությունն էլ շարունակությունն է իշխանական քարոզչամեքենայի այն թեզի, թե իբր հազարավոր հայեր ՌԴ-ից ընտրություններից առաջ գալու են Հայաստան և իրենց քվեն տալու են ընդդիմությանը։
Փաշինյանը ոչ միայն վախեցած է ՀՀ քաղաքացիների ակտիվ մասնակցությունից, այլև նման հայտարարություններով փորձում է տպավորություն փոխել, իսկ ընդդիմության առաջիկայում մեղադրել այլ երկրների ծառայելու մեջ։ Դա իհարկե հարկավոր է գործող իշխանությանը՝ ընտրություններից առաջ «մոլդովական սցենար» գործարկելու, որոշ ազդեցիկ ուժերի մասնակցությունը քվեարկության արգելելու համար։ Այս հայտարարությունը կարելի կլիներ հերթական անհեթեթությունը որակել, եթե այն լուրջ վտանգներ չպարունակեր։
Արփի Հունանյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
