Փաշինյանը յուրովի է օգտվելու Բալասանյանի «նվերից»
Արցախի անվտանգության խորհրդի նախկին քարտուղար Վիտալի Բալասանյանը հայտարարությունը իսկական նվեր է դարձել Նիկոլ Փաշինյանի համար և մեր աղբյուրների փոխանցմամբ, ՔՊ-ում որոշել են նոր շոու իրականացնել՝ ընդհուպ նաև ձերբակալելով Վիտալի Բալասանյանին։ Գեներալը Երևանում կայացած պատարագից հետո լրագրողների հետ զրույցում հայտարարել էր, թե Հայաստանը պետք է լինի միութենական կազմում, ինչպես եղել է 100 տարի առաջ։ «Աշխարհի քաղաքական քարտեզը մոտ ժամանակներս փոխվելու է և մենք պետք է մեր քաղաքականությունն ուղղենք դեպի հարավ՝ սերտ հարաբերություններ պահպանելով Իրանի հետ, ինչպես նաև գտնվենք միութենական կազմում, որը նման կլինի հարյուր տարի առաջ գոյություն ունեցած միավորմանը՝ ԽՍՀՄ-ին»,- ասել էր Բալասանյանը։ Դրան անմիջապես հետևեցին քպական պատգամավորների և պաշտոնյաների հայտարարությունները, վիրավորանքերը Բալասանյանը հասցեին։
Բնականաբար, առաջին բանը, որ հիշեցին, Բալասանյանի արած մի հայտարարությունն էր, թե աջակցում է գործարար, բարերար Սամվել Կարապետյանին։ Իշխանությունն այսօր Բալասանյանից որևէ վտանգ չի զգում, փոխարենը զգում է Սամվել Կարապետյանից, և Բալասանյանի այս «նվերը» չէին կարող չօգտագործել։ Մեր աղբյուրի փոխանցմամբ, Փաշինյանը երեկ հավաքել է վարչության մի քանի անդամների, նրանց հետ քննարկել, թե ինչ կարող են անել։ Հիշեցրել են, որ Գյումրիի քաղաքապետ Վարդան Ղուկասյանին ևս ձերբակալել էին նման մի հայտարարության պատճառով և առաջարկել են նույնը իրականացնել նաև Սամվել Բալասանյանի նկատմամբ։ Եվ այդ ամենը անել տեսախցիկների ուղեկցությամբ՝ հնարավորինս ավելի մեծ հնչեղություն հաղորդելու համար։
Զուր չէ, որ փաշինյանական իշխանությունը իր կռվաններից մեկը հայտարարել է իր ինքնիշխանությունը, և այդ խոսույթը ևս չարաշահում է հնարավորինս շատ՝ իր մրցակիցներին էլ մեղադրելով Հայաստանի ինքնիշխանությունը նվազեցնելու մեջ։ Այն, որ Հայաստանում ինքնիշխանությունը նվազել է հենց փաշինյանական իշխանության օրոք, բնականաբար, չեն խոսում։
Աննա Մադաթյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
