Իրանը գնում է վա-բանկ
Իրանը նոր հոգևոր գերագույն առաջնորդ ունի՝ Մոջթաբա Խամենեին, ով այս պաշտոնում փոխարինելու է իր հորը՝ սպանված այաթոլլահ Ալի Խամենեիին։ Նոր ղեկավարի ընտրության համար պատասխանատու Իրանի փորձագետների խորհուրդը մարտի 8-ին հայտարարել է, որ Իսլամական Հանրապետության սուրբ համակարգի երրորդ գերագույն առաջնորդ է նշանակվել այաթոլլա Սեյեդ Մոջթաբա Հոսեյնի Խամենեին։ Որպես գերագույն առաջնորդ՝ Մոջթաբա Խամենեին կունենա վերջնական խոսքի իրավունք բոլոր քաղաքական և ռազմական հարցերում և կկրի գրեթե բռնապետական լիազորություններ։
ԱՄՆ նախագահ Դոնալդ Թրամփն ավելի վաղ ասել էր, որ սա թույլ և անընդունելի ընտրություն կլինի։ Al Jazeera-ի գնահատմամբ՝ Մոջթաբա Խամենեիի ընտրությունը որպես Իրանի գերագույն առաջնորդ լուրջ անհանգստություն է առաջացնում Պարսից ծոցի երկրների շրջանում։ Նշվում է, որ այս որոշումը Պարսից ծոցի երկրների համար, որոնք ռազմական գործողությունների մեկնարկից ի վեր ամեն օր ենթարկվում են իրանական հարձակումների, նշանակում է պատերազմական իրավիճակի փաստացի պահպանում։ Այլ թեկնածուների պայմաններում «Խամենեի» ազգանունով նոր հոգևոր գերագույն առաջնորդ ընտրելու որոշումը ոչ այլ ինչ է, քան մինչև վերջ գնալու պատրաստակամություն։
Մինչ Միացյալ Նահանգներն ու Իսրայելը հայտարարում են օրերի, ապա և մի քանի շաբաթվա ռազմական գործողությունների մասին, իրանցիները պարզապես ցույց են տալիս իրենց վճռականությունը, որ մտադիր չեն որևէ կերպ հանձնվել և պայքարելու են մինչև վերջ։ Եվ Խամենեի ազգանունով նոր գերագույն հոգևոր առաջնորդի ընտրությունը ապացուցում է այս հանգամանքը։
Ըստ էության, Իրանը թուլանալու, կապիտուլյացիայի որևէ նշույլ ցույց չի տալիս, որքան էլ թե՛ Միացյալ Նահանգները, թե՛ Իսրայելը հայտարարում են, որ նոր հոգևոր գերագույն առաջնորդը լինելու է իրենց համար օրինական թիրախ։ ԱՄՆ նախագահն էլ հայտարարել էր, թե ինքը պետք է մասնակցություն ունենա Իրանի նոր առաջնորդի ընտրության հարցում։ Պարզ ասած՝ Թեհրանից նրան 3 մատի կոմբինացիա են ցույց տվել։ Սա, իհարկե, վտանգավոր հետևանքներ է ունենալու ողջ տարածաշրջանի համար, որը թաղվելու է նոր ու տևական պատերազմի մեջ։
Աննա Մարգարյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
