Գյուղացին պիտի իր ապրանքը հեշտ վաճառի՝ տնից հեռու չգնալով, երկրով մեկ մթերման կայաններ կստեղծենք․ Նարեկ Կարապետյան
Մեր ծրագրով նախատեսում ենք ստեղծել մթերման կայաններ Հայաստանով մեկ, որը կօգնի հայ գյուղացուն իր աճեցրած ապրանքը հեշտ վաճառել՝ իր տնից հեռու չգնալով։ Այս մասին, այսօր՝ մարտի 6–ին, լրագրողների հետ հանդիպման ժամանակ նշեց «Ուժեղ Հայաստան» կուսակցության անդամ Նարեկ Կարապետյանը։
Նշենք, որ ասուլիսը կազմակերպվել էր ջերմոցում։
«Մեր երկրի հիմնական խնդիրներից մեկն այն է, որ մեր գյուղացիները խնդիր են ունենում իրենց ապրանքը վաճառելու հարցում, և երկիրը չի կարողացել այսքան ժամանակ լուծել այդ խնդիրը։ Օրինակ, հարևան երկրներում հայկական գյուղմթերքի մեծ պահանջարկ կա, սակայն ՀՀ գյուղացին ապրանք արտադրելով չի կարողանում այն արտահանել, որովհետեւ չկա միջնորդ։ Մթերման կայանը կլինի այդ միջնորդը, որը կգնի, կպահեստավորի մթերքը և հետագայում կամ կարտահանի, կամ կվաճառի հայկական շուկայում։ Սա վերաբերում է թե բանջարեղենին, թե մրգերին, թե մսամթերքին»,–ասաց նա։
Նա շարունակեց. «Մենք գիտենք, որ Հայաստանը մսամթերքը ներմուծող երկիր է, չնայած, որ մեր գյուղերը պատրաստ են իրենք արտադրել այդ կարևոր կուլտուրան, բայց խնդիր ունենք մենք. մեր երկրում չկա վաճառքի ինստիտուտ, այսինքն, մարդիկ, եթե ունեն, օրինակ, ֆերմա, հնարավորություն չեն ունենում վաճառք իրականացնել Հայաստանում կամ Հայաստանի դուրս, որովհետև չկա լավ միջնորդ։ Լավ միջնորդը կլինի մթերման կայանը, որը շատ կարևոր օղակ է Հայաստանի գյուղատնտեսության զարգացման համար»։
Նարեկ Կարապետյանը հայտարարեց, որ Հայաստանի գյուղատնտեսությունը այս պահին վերջին ութ տարիների ընթացքում անկում է ապրել. «10% - ով մեր գյուղատնտեսության անկում է ապրել։ Մենք 2018 թվականիմակարդակի գյուղատնտեսություն արդեն չունենք, և գյուղատնտեսական այս տարվա բյուջեով պլանավորված ծախսերը գյուղատնտեսության ուղղությամբ նույնպես կրճատվել են»։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
