«Կարմիր գորգին կոշիկս պոկվեց և սոսինձներով փորձում էինք ամրացնել, որ կարողանամ անցնել». Սոնա Ռուբենյան
Մարտի 29-ին՝ Կարեն Դեմիրճյանի անվան մարզահամերգային համալիրում տեղի կունենա «Խազեր հայկական երաժշտական մրցանակաբաշխություն 2026»-ը: Մինչ պարզ կդառնա ովքեր են տարվա լավագույնները, Tert.am Life-ի հետ զրույցում նախորդ տարի տարվա լավագույն երգչուհի անվանակարգում հաղթող ճանաչված Սոնա Ռուբենյանը պատմել է հաղթանակի ու զգացողությունների մասին:
«Հաղթանակն առհասարակ մարդու կայնքում շատ մեծ դեր ունի, քանի որ հաղթանակի բերկրանքը միշտ պահում ես քո սրտում։ Կյանքի տարբեր փուլերում ունեցել եմ մեծ ու փոքր հաղթանակներ, և հենց այդ զգացողությունն է ինձ առաջ մղում իմ աշխատանքում»,- մեզ հետ զրույցում ասաց Սոնան:
Երգչուհին խոսելով մրցանակաբաշխության երեկոյի հիշողություններից, նշեց, որ իր անունը լսելն այդ օրվա ամենատպավորիչ հիշողությունն էր.
«Բայց նաև կարմիր գորգին կոշիկս պոկվեց և սոսինձներով փորձում էինք ամրացնել, որ կարողանամ անցնել կարմիր գորգը և շարունակել օրը։ Բեմի վրա էլ արդեն շատ զգույշ էի քայլում, որպեսզի կրկին չպոկվեր և չընկնեի»,- մեզ հետ զրույցում պատմեց երգչուհին:
Անդրադառնալով մրցանակաբաշխությունների կարևորության և հայկական երաժշտական դաշտի զարգացման վրա ազդեցությանը, Սոնա Ռուբենյանը նկատեց.
«Բազմիցս ասել եմ ու ցանկանում եմ նորից նշել, որ «Խազեր» մրցանակաբաշխությունը շատ կարևոր դեր ունի հայկական երաժշտական դաշտի զարգացման գործում և այս մրցանակաբաշխության տեղը դատարկ էր, դա ակնհայտ երևում էր։ Ուրախ եմ, որ «Խազեր» մրցանակաբաշխությունն այլևս իրականություն է և ներկայացնում է բացառապես որակյալ երաժշտություն՝ ընդգրկելով բոլոր ժանրերը՝ դասական, ռոք, փոփ, ջազ… և այդ բոլոր ժանրերում ստեղծագործող մարդկանց»:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
«След» Курдистана в списке «Республики»: кто такой Роман Мурадян? «Паст»
