Անորակ թատրոն՝ օրը ցերեկով
Հանրության ուշադրությունը իրենց վրա սևեռելու, օրակարգն իրենց ներկայությամբ լցնելու, այդկերպ իրական խնդիրներից մարդկանց շեղելու համար Նիկոլ Փաշինյան-ը ոչնչի առջև կանգ չի առնում։ Ու թեպետ երբեմն նրա քայլերը անհեթեթ են թվում, իրականում ամեն բան հստակ հաշվարկված է։ Օրեր առաջ Աննա Հակոբյան-ը հայտարարել էր, թե իր և Նիկոլ Փաշինյանի քաղաքացիական ամուսնությունը ավարտվում է։ Դրանից հետո տեղեկություններ տարածվեցին, թե իբր զույգը գնացել է ԶԱԳՍ ու ձևակերպել ամուսնությունը։
Այսօր առավոտյան Աննա Հակոբյանը տեսանյութ է տարածել, հայտարարել է, որ հեռանում է կառավարական առանձնատնից։ Հակոբյանը հստակեցրել է իր ավելի վաղ արած հայտարարությունը՝ նշելով, որ իր և Նիկոլ Փաշինյանի քաղաքացիական ամուսնությունը ավարտվում է, քանի որ իրենց միջև այլ ամուսնություն չկա։ Հակոբյանը հայտնել է, որ պետությանն է հանձնում իր բոլոր այն թանկարժեք իրերը, որոնք եղել են արարողակարգային նվերներ։ Նա ասել է, որ ապրելու է վարձակալած բնակարանում, չունի մեքենա, չի ունենալու պետական պահպանություն։
Րոպեներ անց Նիկոլ Փաշինյանը գրել է, որ Աննա Հակոբյանի որոշմանը հարգանքով է վերաբերվում. «Վերջին 30 տարում իմ բոլոր դժվարին օրերին նա եղել է իմ կողքին, եղել է իմ ապավենն ու հենարանը։ Վստահ չեմ, թե ես նրա համար եղել եմ այդպիսին։ Թերևս ավելի շատ դառնություն եմ պատճառել, ինչի համար ներողություն եմ խնդրում»։
Լրագրող ամուսինները, անկախ ամեն ինչից, հրաշալի են տիրապետում ձևակերպումներին, ուստի դժվար չէր ի սկզբանե առանց սեթևեթանքների տեղեկացնել, այլ ոչ թե օրեր շարունակ «ցնցել համացանցը», վերջում էլ հայտարարել, թե ամուսնալուծվել են։ Կարելի էր, իհարկե, զույգին իրարից անկախ երջանկություն մաղթել, եթե չլիներ Ստանիսլավսկու հայտնի արտահայտությունը՝ «Չեմ հավատում»։
Սոնա Գալստյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
