Ալիևը հրաժարվել է գալ Երևան
Ադրբեջանի նախագահ Իլհամ Ալիևը չի մասնակցի Երևանում առաջիկայում կայանալիք Եվրոպական քաղաքական համայնքի գագաթնաժողովին։ Այդ մասին հայտարարել է Ադրբեջանի արտաքին գործերի նախարար Ջեյհուն Բայրամովը։ Նրա խոսքով՝ Իլհամ Ալիևի մայիս ամսվա խիտ գրաֆիկը և օրացույցը նման այց չեն նախատեսում։ «Իմ տվյալներով՝ Եվրոպական քաղաքական համայնքի գագաթնաժողովին, որը կկայանա մայիսին Հայաստանում, Ադրբեջանի նախագահի մասնակցություն չի նախատեսվում։ Այս ձևաչափի շրջանակներում ներկայացվածությունն իրականացվում է բացառապես պետությունների ղեկավարների մակարդակով, ինչը համապատասխանում է դրա սկզբնական հայեցակարգին»,- հայտարարել է Բայրամովը։
Եվրոպական քաղաքական համայնքի 8-րդ գագաթնաժողովը կանցկացվի Երևանում՝ 2026 թվականի մայիսի 4-ին։ Թուրքիան առայժմ ոչ հերքել, ոչ հաստատել է նախագահ Ռեջեփ Թայիփ Էրդողանի մասնակցության հնարավորությունը։ Բայց հաշվի առնելով ձևավորված ավանդույթը, որ Թուրքիան ՀՀ-ի հետ հարաբերությունները շաղկապում է Ադրբեջանի հետ կարգավորման հետ, իսկ շատ հարցերում միասնական դիրքորոշում է որդեգրում, կարելի է անվրեպ գուշակել, որ Թուրքիայի նախագահն էլ կհրաժարվի Երևան գալու մտքից։
Նիկոլ Փաշինյանի համար այս հանգամանքը, իհարկե, լուրջ հարված է լինելու։ Նա Եվրոպական քաղաքական համայնքի գագաթնաժողովը փորձում է օգտագործել թե՛ անձնական քարոզչության, թե՛ Թուրքիայի և Ադրբեջանի հետ հարաբերությունները կարգավորելու համար։ Իսկ այժմ, երբ Ալիևն ու Էրդողանը չգան Հայաստան, այդ երկրների հետ կարգավորման մասին Փաշինյանի բոլոր հայտարարությունները անլուրջ են դիտվելու։
Սոնա Գալստյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
