Փաշինյանին միացած տիրադավների շարքերը պակասում են
Ավստրիայի Սանկտ Փյոլթըն քաղաքում ավարտվել է Գարեգին Բ կաթողիկոսի հրավիրած Եպիսկոպոսաց հավաքի աշխատանքները։ Հավաքին մասնակցել են Հայ Առաքելական եկեղեցու 25 եպիսկոպոսներ։ Եպիսկոպոսաց հավաքը հանդես է եկել հայտարարությամբ, խորը մտահոգություն է հայտնել եկեղեցի-պետություն հարաբերությունների ներկա իրավիճակի առնչությամբ, կոչ արել Հայաստանի իշխանություններին՝ «դադարեցնել Եկեղեցու հանդեպ հալածանքները և հարգել Եկեղեցու դարերով ամրագրված ինքնիշխանությունն ու ինքնավարությունը, վերջ դնել շինծու մեղադրանքներով ու զրպարտություններով եկեղեցականների ու ազգընտիր Ամենայն Հայոց Հայրապետի նկատմամբ բռնաճնշումներին», ազատ արձակել կալանավորված եկեղեցականներին։ Հայտարարության մեջ ուշագրավ մի կետ կա։
«Եպիսկոպոսաց հավաքի մասնակիցներս հորդորում ենք խոտորյալ ութ սրբազաններին՝ գործել Սուրբ Էջմիածնի և Ամենայն Հայոց Կաթողիկոսի հանդեպ հավատարմության ուխտի և ծառայական կոչման գիտակցությամբ, ներեկեղեցական կյանքին առնչվող խնդիրներն արծարծել և լուծել բացառապես Եկեղեցու լիազոր ատյաններում, ձեռնպահ մնալ հակականոնական գործողություններից»,– նշվում է հայտարարության մեջ։
Բանն այն է, որ Փաշինյանի կողմ էին անցել սկզբնապես 10 բարձրաստիճան հոգևորականներ, իսկ տեքստում նշվում է ութ թիվը։ Ի դեպ, այդ հոգևորականներից մեկն էլ ԱՄՆ Արևմտյան թեմի առաջնորդ Հովնան արքեպիսկոպոս Տերտերյանն էր, ով ոչ միայն մասնակցել է հավաքի աշխատանքներին, այլև ստորագրել հայտարարությունը՝ փաստացի ցուցադրելով, որ լքել է Փաշինյանի «խրամատը», վերադարձել եկեղեցու հովվապետի գիրկը։
Ըստ էության, սա լուրջ պարտություն է Փաշինյանի համար, նաև ազդակ մյուս խոտորյալ հոգևորականներին, որ Փաշինյանից հեռանալու դեպքում ՀԱԵ-ն կների իրենց։ Թե ինչ միջոցներ է ձեռնարկելու իշխանությունն այս հարվածին պատասխանելու համար, պարզ կլինի առաջիկայում։
Աննա Մարգարյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
