Սորոսի փողերն ու զինապարտության մասին ՀՀ օրենքի նախագիծը. «Փաստ»
«Փաստ» օրաթերթը գրում է.
Երեկ ԱԺ պատգամավոր Հայկ Բաբուխանյանը «Զինվորական ծառայության և զինծառայողի կարգավիճակի մասին», ՀՀ օրենքի նախագիծը քննարկելիս հայտարարեց, որ «Հանրային օրակարգ» ՀԿ–ն վերջերս Սորոսի հիմնադրամից ստացել է 20 հազար դոլար դրամաշնորհ, որպեսզի պայքարի, քննադատի և վարկաբեկի «Ազգ–բանակ» հայեցակարգը:
«Մի քանի օրվա մեջ է ստացվել այդ դրամաշնորհը, այն դեպքում, երբ առհասարակ դրամաշնորհ ստանում են 6 ամսից մինչև մեկ տարի ժամանակահատվածում: Իսկ այս դեպքում՝ դիմում գրելը և գրանտ ստանալը տևել է բառացիորեն մի քանի օր»,– ասաց պատգամավորը:
Հարցը պարզաբանելու համար «Փաստը» դիմեց «Հանրային օրակարգ» ՀԿ նախագահ Գեղամ Բաղդասարյանին, ով հաստատեց, որ իր ղեկավարած կազմակերպությունը նշված հիմնադրամից ստացել է դրամաշնորհ մի ծրագրի համար, որը կոչվում է «Ազգ–բանակ» հայեցակարգի հանրային փորձաքննություն: ՀԿ նախագահի խոսքով ծրագրի շրջանակներում նախատեսվում է այս տարեվերջին և հաջորդ տարի հասարակական կարծիքի ուսումնասիրություն իրականացնել:
«Նախատեսվում է փորձագիտական և սոցիոլոգիական հարցումներ իրականացնել, ինչպես նաև ծրագրի շրջանակներում ուսումնասիրելու ենք տարբեր երկրների նմանօրինակ փորձը: Բայց թե այս ամենն ինչ կապ ունի ուսանողական ցույցերի և դավադրաբանական տեսությունների հետ, ես բացարձակապես գաղափար չունեմ և չգիտեմ անգամ, թե ով ինչի համար է դա անում»,– ասաց Գ. Բաղդասարյանը:
Հարցին, թե ինչու է նման ուսումնասիրություն իրականացվում, երբ նախագիծը մինչ նշված ուսումնասիրության ավարտը կընդունվի, ՀԿ նախագահն ասաց.
«Ինչն է խանգարում, որ այս կամ այն օրենքի շուրջ կազմակերպությունն ուսումնասիրություն իրականացնի: Ինձ համար տարօրինակ է նաև, թե մարդիկ ինչ գիտեն հասարակական կարծիքի ուսումնասիության արդյունքների մասին, երբ այն անգամ չի էլ սկսվել»:
Շարունակությունը՝ «Փաստ» օրաթերթի այսօրվա համարում
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Члены Конгресса США присоединились к АNCА с требованием освободить армянских пленных на 1000-й день ...
Почему власть сама ставит себя в нелепое положение? «Паст»
Тотальный цифровой контроль над гражданами: власть хочет получить доступ ко всем данным мобильных те...
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Выборы также развеяли миф об антироссийских настроениях: «Паст»
Когда любая уступка превращается в отправную точку для новых требований: «Паст»
Пропасть в сфере безопасности и необходимость спасения государственности: предупреждение Аршака Кара...
