ԱՄՆ-Իրան հարաբերությունները հասել են եռման կետի
ԱՄՆ–Իրան հարաբերությունները գնալով ավելի ու ավելի են սրվում, ամերիկյան կողմից էլ արդեն բացահայտ հնչում են Իրանին ռազմական հարվածներ հասցնելու սպառնալիքներ։ Ազգային անվտանգության համար պատասխանատու բարձրաստիճան պաշտոնյաները նախագահ Դոնալդ Թրամփին տեղեկացրել են, որ երկրի զինված ուժերը պատրաստ են հարվածներ հասցնել Իրանին արդեն փետրվարի 21-ին։ Վաշինգտոնը կշռադատում է էսկալացիայի ռիսկերը, ինչպես նաև զսպվածության քաղաքական և ռազմական հետևանքները։
Ըստ փորձագետների՝ չափազանց մեծ է հավանականությունը, որ առաջիկա օրերին Նահանգները կհարվածեն Իրանին, քանի որ Ժնևում կայացած բանակցությունները կարծես արդյունք չեն տալիս։ Լրագրող Բարաք Ռավիդը նշում է, թե Ժնևում ԱՄՆ-ի և Իրանի բանակցությունները եղել են «ոչնչով լցված համբուրգեր»։ Սա այն պատճառներից մեկն է, թե ինչու է Թրամփը մոտ Իրանի դեմ պատերազմ սկսելու որոշման ընդունմանը։ Ի դեպ, նույնիսկ բուքմեյքերական ընկերություններն են խաղադրույքներ վերցնում, արդյոք մինչև մարտի 15-ը ԱՄՆ-ը կհարվածի՞ Իրանին։ Եթե մեկ շաբաթ առաջ այդ հավանականությունը 24 տոկոս էր գնահատվում, ապա այժմ այն անցել է 50 տոկոսի սահմանը։ Բնական է, որ Իրանի հարվածի դեպքում ուղիղ վտանգի տակ է հայտնվելու նաև Հայաստանի Հանրապետությունը։
Ռազմական այդ էսկալացիային խառնվելու է նաև Իսրայելը, որը Ադրբեջանի մերձավոր գործընկերն է, իսկ օգոստոսի 8-ից հետո, ըստ ամերիկյան փորձագիտական կենտրոնների, Ադրբեջանը կտրուկ բարձրացել է Թրամփի աչքում, մինչդեռ Հայաստանի դերը երկրորդական է, և չի բացառվում, որ Ադրբեջանը առիթն օգտագործի Հայաստանի դեմ ռազմական էսկալացիա սկսելու համար։ Թե ինչով են զբաղված Հայաստանի իշխանությունները, ոչ ոք չգիտի, բայց և ակնհայտ է, որ հրաշալի հասկանում են դրա հետևանքները և կրկին հույսը դրել են Աստծո վրա, մյուս կողմից էլ անընդհատ փչացնելով Ռուսաստանի հետ հարաբերությունները և Իրանի հարցում առանձնապես չեզոքություն չպահպանելով՝ Հայաստանը հայտնվելու է միանգամից մի քանի կրակի տակ։
Սոնա Գալստյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
