Սարսափ ոչ միայն իշխանությունը կորցնելուց, այլև միասնականությունից. «Փաստ»
«Փաստ» օրաթերթը գրում է.
Նիկոլ Փաշինյանի «կարկառուններից» մեկը նախօրեին այսպիսի մի գրառմամբ է «փայլատակել». ««Հայաստան» դաշինք (Ռոբերտ Քոչարյան+ՀՅԴ)+ «Առաջարկ Հայաստանին» (Գագիկ Ծառուկյան+Անդրանիկ Թևանյան) + «Ուժեղ Հայաստան» (Նարեկ Կարապետյան և ընկ.) = Партия Единая Армения»:
Այս քպականը, թերևս, կարծում է, թե մի այլ կարգի սրամտել է: Իբր հումոր է արել, էլի: Բայց ինչպես բոլոր հարցերում բոլոր քպականները, հումորի հարցում էլ է սույնը «ոտքին գցել»: Հակառակը, յուրատեսակ խոստովանություն է դարձել: Պարզ է, հարկավ, որ ակնարկը դեպի Ռուսաստան է գնում...
Իրականում, ահա, այդօրինակ «հումորներով» քպական կարկառունները բացահայտում են իրենց համակած սարսափները:
ՔՊ-ն, առաջին հերթին՝ Նիկոլ Փաշինյանն ու մերձավոր զինակիցներն ակնհայտորեն տագնապած են, եթե ավելին չասվի: Ամենից հետաքրքիրն այն է, որ օբյեկտիվորեն նրանք միանգամայն տեղին են տագնապած: Փաշինյանի ու «կոմպանիայի» տագնապները լիովին հիմնավորված են. քաղաքական դաշտում նախանշվում են ընդդիմադիր առնվազն երեք, իսկ հեռանկարում կանխատեսելի է նաև այլ խոշոր միավորումներ, որոնց հիմնական մոտեցումը նույնական է. Փաշինյանին ու ՔՊ-ին օրինականորեն հեռացնել իշխանությունից, Հայաստանը վերջապես ազատագրել այս մղձավանջից: Ու նման հաջողության համար գրեթե բոլոր նախադրյալներն առկա են:
Այո, ՔՊ-ին՝ Փաշինյանին ու իր կարկառուններին ամենից առաջ սարսափեցնում է այն, որ տվյալ ընդդիմադիր քաղաքական ուժերը և միավորումները կարող են Հայաստանում վերջ տալ փաշինյանական իշխանությանը: Թե դա ինչպես կլինի, քննարկման հարց է, հետընտրական հետոյի: Մի խոսքով, ընդդիմադիր խոշոր միավորումների համաձայնեցված գործունեության շնորհիվ լիովին իրատեսական է քպական ձախավեր իշխանություններից ազատվելու հեռանկարը: Ու դա Նիկոլ Փաշինյանի ու նրա կարկառունների ամենամեծ սարսափն է: Իրենք շատ լավ են հասկանում, որ ժողովուրդն իրենց չի ընդունում, որ մարդիկ մերժում են իրենց, ավելին՝ շատերն ուղղակիորեն ատում կամ տանել չեն կարողանում նրանց: Եվ իրենք գիտակցում են, որ կորցնելու են իշխանությունը:
Պատահական չէ և այն, որ քպական ագրեսիվ քարոզիչները թիրախավորում են բացառապես նշված ընդդիմադիր ուժերին: Եվ հակառակը՝ ոչ մի բան չեն ասում հնարավոր այն մասնակիցների հասցեին, որոնք ընտրապայքարի մեջ են մտնելու ձայներ փոշիացնելու կամ Փաշինյանին այլ կերպ աջակցելու նպատակով: Սատելիտները, էլի...
Մյուս սարսափը, որ աչքի է զարնում այս գրառման ու նմանատիպ այլ գրառումների մեջ, հենց ձևակերպումն է: Անկախ նրանից, թե կոնկրետ ինչ է իբր նկատի ունեցել «կարկառունը», փաստը մնում է փաստ, որ, կամա թե ակամա, բացահայտում է իրենց ամենամեծ սարսափը, այն է՝ միասնական Հայաստանը: Ընդհանրապես՝ միասնականությունը: Այո, Փաշինյանի ու ՔՊ-ի ամենամեծ սարսափը հենց «Միասնական Հայաստան» արտահայտության մեջ է «կոդավորված:
Այո, Փաշինյանին ու ՔՊ-ին ցավեցնում է և՛ ցանկացած արժանապատիվ առաջարկ Հայաստանին, և՛ ուժեղ Հայաստանը, և՛ ընդհանրապես Հայաստանը: Կրկնենք՝ առավել ևս՝ միասնական Հայաստանի գաղափարը:
ԱՐՄԵՆ ՀԱԿՈԲՅԱՆ
Մանրամասները՝ «Փաստ» օրաթերթի այսօրվա համարում
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
