Ադրբեջանցիներն արդեն Հայաստան են գալիս ընդհանուր սահմանով
Ադրբեջանի քաղաքացիական հասարակության ներկայացուցիչները Հայաստան են ժամանել ցամաքային սահմանազատված հատվածով։ Հայաստանում փետրվարի 13-14-ը «Խաղաղության կամուրջ» նախաձեռնության շրջանակում կանցկացվի երկկողմ կլոր սեղան, որի ընթացքում կհանդիպեն Հայաստանի և Ադրբեջանի քաղաքացիական հասարակությունների ներկայացուցիչները։
Բացի «Խաղաղության կամուրջ» նախաձեռնության հիմնական մասնակիցներից, այս կլոր սեղանին կներգրավվի նաև երկու կողմերից մասնակիցների ավելի լայն խումբ։ Ադրբեջանական պատվիրակությունը Հայաստան է ժամանել ցամաքային սահմանի սահմանազատված և սահմանագծված հատվածով՝ անցնելով բոլոր համապատասխան ընթացակարգերը։ Ադրբեջանական պատվիրակության կազմում 20 հոգի է։ Հայկական կողմն էլ նույնքան ներկայացուցիչներ է ներգրավել։
Նախկինում Բաքու այցելած հինգ փորձագետներից բացի ներգրավվել են «Օբերլի» կենտրոնի աշխատակիցների, իշխանական քարոզչամեքենայի լրագրողների, նույնիսկ Տիկնիկային թատրոնի ղեկավար Ռուբեն Բաբայանին, ով իր բանուգործը թողած տարբեր ԶՄ-ներում հարցազրույցներ է տալիս՝ պաշտպանելով Փաշինյանի վարած քաղաքականություն։ Ադրբեջանցի և հայ փորձագետները նախկինում էլ հանդիպումներ ունեցել են, բայց Երևան ու Բաքու այցելել են Վրաստանի տարածքով, իսկ այժմ՝ սահմանը հատում են սահմանազատված հատվածով։
Այս այցը Փաշինյանի ու Ալիևի վարչակազմերի հերթական քարոզչական փուչիկն է՝ ցույց տալու համար, թե կողմերի միջև փոխվստահության մթնոլորտ են ձևավորում։ Իրականում այս նախաձեռնություններով Փաշինյանը ջուր է լցնում Ալիևի ջրաղացը, վերջինիս որպես խաղաղարար ներկայացնելու համար։ Փոխարենը, Ալիևն էլ օգնում է Փաշինյանին խորհրդարանական առաջիկա ընտրություններից առաջ, որպեսզի իրենց խամաճիկին հաջողվի կրկին վերարտադրվել։
Իսկ արդեն ընտրություններից հետո, եթե Փաշինյանին հաջողվի նորից զավթել իշխանությունը, Ադրբեջանն անցնելու է կոշտ պայմաններ թելադրելուն։ ՀՀ ժամանած փորձագետներն էլ սպասարկելու են այդ քաղաքականությունը։
Սոնա Գալստյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
