Արևմուտքը չի հավատում Փաշինյանի «արցունքներին»
Ութ տարի զավթելով Հայաստանի իշխանության ղեկը՝ Փաշինյանն ու իր թիմը պարբերաբար խոսում են ժողովրդավարությունից, այդ ուղղությամբ իրենց կատարած քայլերից, իսկ Հայաստանի Հանրապետությունն էլ փորձում են ներկայացնել որպես «ժողովրդավարության բաստիոն», որը, իբր, լուրջ հեղինակություն է վայելում միջազգային ասպարեզում։ Սակայն նույնիսկ Փաշինյանին աջակցող Արևմուտքը և նրա իրավապաշտպան կառույցներն արձանագրում են, որ այդ ուղղությամբ լրջագույն խնդիրներ կան։
Միջազգային իրավապաշտպան Human Rights Watch կազմակերպությունը 2025 թվականի զեկույցում փաստում է, որ Հայաստանում մարդու իրավունքների վիճակը մնում է ոչ միանշանակ։ Մի կողմից իշխանությունները շարունակում են բարեփոխումները կոռուպցիայի դեմ պայքարի և օրենքի գերակայության ուղղությամբ, մյուս կողմից պահպանվում են լուրջ մտահոգությունները մարդու իրավունքների ոլորտում, այդ թվում՝ պետության կողմից ուժեղացված վերահսկողության, լրատվամիջոցների ազատության սահմանափակումների, հաշմանդամություն ունեցող անձանց նկատմամբ խտրականության վերաբերյալ։
Մասնավորապես, զեկույցում առանձնացվում են ոստիկանական չարաշահումների դեպքերով իրականացված անարդյունավետ հետաքննությունները, դատական անկախության բացակայությունը, նախնական կալանքի չափից ավելի կիրառումը քրեական դատավարությունների ընթացքում։ Նշվում են նաև կոնկրետ օրենքներ, որոնց արդյունքում իշխանությունն ավելի լայն հասանելիություն է ստացել քաղաքացիների անձնական տվյալներին։
Զեկույցում առանձնահատուկ տեղ են զբաղեցնում 2025 թվականի առաջին վեց ամիսներին լրատվամիջոցների նկատմամբ իրականացված ֆիզիկական և այլ բնույթի ճնշումների տասնյակ դեպքերը, սպառնալիքները, վիրավորանքները, ինչպես նաև զրպարտության մեղադրանքով ներկայացված դատական հայցերը։ Այս ամենը վկայում է, որ նույնիսկ Արևմուտքը չի հավատում Նիկոլ Փաշինյանի հավաստիացումներին, իսկ Հայաստանն ամենևին էլ ժողովրդավարական պետություն չի համարում։
Սոնա Գալստյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
