ՔՊ-ում ծանր են տարել կուսակից պատգամավորուհու պատիժը
Ազգային ժողովի առողջապահության և սոցիալական հարցերի մշտական հանձնաժողովի նախագահի պաշտոնից դուրս մղված Հռիփսիմե Հունանյանի շուրջ ստեղծված իրավիճակը լուրջ փորձաքար է դարձել բոլոր քպականների համար։ Ըստ տարբեր ԶԼՄ-ների՝ նախօրեին Հռիփսիմե Հունանյանին կանչել են ՔՊ վարչություն, լուրջ ճնշումներ գործադրել, դատափետել ՔՊ-ն հեղինակազրկելու համար, պարտադրել հրաժարականի դիմում ներկայացնել։ Նաև՝ հրաժարվել ՔՊ համամասնական ընտրացուցակով առաջադրվելուց։
Ընդ որում, սայթաքած տիկնոջ համար չափազանց ծանր իրավիճակ են ստեղծել, հոգեկան լուրջ ապրումների հասցրել։ Եվ երեկ նույնիսկ շտապօգնություն է ժամանել խորհրդարան՝ վերջինիս ուշքի բերելու համար։ ՔՊ մեր աղբյուրների փոխանցմամբ՝ Հունանյանը երբևէ որևէ խնդիր չի ունեցել իր կուսակիցների հետ, շատերի հետ ջերմ հարաբերություններ է ունեցել, իսկ արդեն հրաժարականի դիմում պարտադրելուց հետո կուսակիցները կարծես անհետացել են նրա կողքից։ Այժմ «Քաղպայմանագրում» էլ չափազանց ծանր իրավիճակ է ստեղծվել․ պատգամավորները հասկանում են, որ ցանկացած թեթև սայթաքման համար Փաշինյանը, առանց սեթևեթանքների, իրենց փուռը կտա, կհեռացնի, SMS կգրի կամ էլ կպարտադրի լքել ունեցած պաշտոնը։
Եվ այժմ «Քաղպայմանագրում» փորձում են հասկանալ՝ ի՞նչ է, ի վերջո, տեղի ունենալու իրենց հետ։ Շատերը չեն էլ բացառում, որ կարող են չառաջադրվել խորհրդարանական ընտրություններում, հատկապես որ ընտրացուցակում առաջադրվելու՝ ՔՊ-ի ներդրած նոր մեխանիզմը լուրջ բարդություններ է ստեղծելու բոլոր պատգամավորների համար։ Ի դեպ, սա հրաշալի առիթ կարող է դառնալ ընդդիմության համար՝ իմպիչմենտի գործընթաց սկսելու, գործող շատ պատգամավորների հետ համաձայնության հասնելու նպատակով։
ՔՊ պատգամավորներն այժմ մի վերջին շանս ունեն՝ պահպանելու իրենց դեմքը և ապագայում պատասխան չտալու իրենց կատարածի համար, եթե ի վերջո հասկանան, որ Փաշինյանը ոչ թե իրենց փրկիչն ու տիրակալն է, այլ պարզապես սովորական մի բռնապետ, որից օր առաջ հարկավոր է ազատվել։
Տիգրան Գուլքանյան
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Тотальный цифровой контроль над гражданами: власть хочет получить доступ ко всем данным мобильных те...
Выборы также развеяли миф об антироссийских настроениях: «Паст»
Институциональное дезертирство или подарок Пашиняну? Искусственно созданная повестка о сложении манд...
Помимо всего прочего, это просто бесчеловечно: «Паст»
Что пыталась предотвратить власть в Гюмри? «Паст»
