Անվավերները խոսում են «անվավերության» մասին. «Փաստ»
«Փաստ» օրաթերթը գրում է.
Նիկոլ Փաշինյանի շահերի սպասարկման տիրույթ անցած հոգևորականների «մի գազելանոց» խումբիկը, որին ժողովուրդն արդեն կնքել է «10 տիրադավներ» անվամբ, հերթական քպական հայտարարությունն է տարածել: Եկեղեցուց հեռացած և Սուրբ խորանի առաջ իրենց իսկ տված ուխտը ուրացած, երդմնազանց եղած սույն «քպական» եպիսկոպոսները խոսում են այն մասին, թե Գերագույն հոգևոր խորհուրդը... անվավեր է:
Այստեղ են ասել՝ «իյա՜, իրո՞ք»: Ախր, ովքեր ու ինչի մասին են խոսում:
Տասը տիրադավները, որոնց մեջ կան այնպիսիք, որ ընդամենը 1 տարի առաջ քննադատում էին Փաշինյանի հակաեկեղեցական քայլերը, նշում, որ դրանք հակասահմանադրական են և այլն, ինչինչ վախերից կամ ճնշումներից դրդված, լրիվ անվավեր հանձնաժողով են ձևավորել 1 հոգու՝ Նիկոլ Փաշինյանի կամքով ու քմահաճությամբ և խոսում են... օրինավոր կառույցի անվավերության մասին: Դեռ մի բան էլ հայտարարում են, թե պետք է չեղարկել արտերկրում Եպիսկոպոսաց ժողով գումարելու՝ «երկպառակություն սերմանող որոշումը»:
Պատկերացնո՞ւմ եք, նրանք խոսում են երկպառակությունից: Հենց նրանք, որոնք Հայ առաքելական եկեղեցուն դավաճանելով՝ իրենք են հենց պառակտում ու շփոթ սերմանում ազգային Եկեղեցում:
Թեպետ, տասը տիրադավներին անհանգստության մեջ գցած բուն պատճառները շատ ավելի հողեղեն են. իրենք հասկանում են, որ, մարզական եզրաբանությամբ ասած, հայտնվել են «խաղից դուրս» վիճակում: Ավելին, իրենք պարզորոշ հասկանում են, որ, էլի մարզական եզրաբանությամբ ասված, շուտով որակազրկվելու են, ըստ որում՝ գուցե ցմահ: Էլ ավելին, գիտակցում են, որ Նիկոլ Փաշինյանն էլ է պարտվել հայ ժողովրդի ու Հայ եկեղեցու դեմ պատերազմում: Դրա համար էլ իրար են խառնվել:
Ակնհայտ է, որ թե՛ նշյալ տիրադավները, թե՛ կեղծ «պատարագների» մասնակցողները բացարձակ փոքրամասնություն են, իսկ հոգևորականների ճնշող մեծամասնությունը, հայ ժողովրդի բացարձակ մեծամասնությունը Եկեղեցու և Վեհափառի կողքին են...
Մանրամասները՝ «Փաստ» օրաթերթի այսօրվա համարում
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
