Համաշխարհային հացահատիկի պաշարները կկրճատվեն․ կանխատեսում

Հացահատիկի միջազգային խորհուրդը (IGC) հացահատիկի համաշխարհային հաշվեկշռի խստացում է կանխատեսում առաջիկա հինգ տարիներին, այս մասին ասված է պահանջարկի և առաջարկի բազային միջնաժամկետ կանխատեսման մեջ։ Այսպիսով, եթե 2024/25 թվականներին հացահատիկի համաշխարհային փոխանցիկ պաշարները գնահատվել են 589 միլիոն տոննա, ապա 2025/26-ին դրանք, ըստ սպասումների, կաճեն մինչև 610 միլիոն տոննա, սակայն այնուհետև կնվազեն ընդհուպ մինչև 588 միլիոն տոննա՝ 2030/31 թվականներին, ինչը կլինի վերջին 20 տարվա ամենացածր մակարդակը։

«Հացահատիկի համաշխարհային պաշարների երեք տարվա անկումից հետո, կանխատեսվում է, որ դրանք 2025/26 թվականներին կաճեն 5%-ով՝ հասնելով եռամյա գագաթնակետին, հիմնականում արտահանողների կողմից պաշարների կուտակման շնորհիվ», - նշում են վերլուծաբանները: «Խորհրդի կանխատեսումները վկայում են համաշխարհային առաջարկի և մինչև 2030/31 թվականը հինգ տարվա ընթացքում առաջացած պահանջարկի նոր խստացման մասին: Չնայած ցանքատարածությունների աստիճանական աճին և միջին բերքատվության սպասվող բարելավմանը, արտադրության ցանկացած ընդլայնում կարող է բավականաչափ արագ չլինել աճող սպառմանը համընթաց քայլելու համար»:

Ինչ վերաբերում է ցորենին, ապա դրա համաշխարհային սպառումն առաջիկա 5 տարում կհասնի հաջորդական առավելագույն ցուցանիշների, ինչի հետևանքով այս հացահատիկի համաշխարհային առևտրի ծավալը 2024/25 թվականների 196 միլիոն տոննայից՝ 2030/31 թվականներին կբարձրանա մինչև ռեկորդային 224 միլիոն տոննայի, հայտնում է «Ագրոէքսպորտը»։ IGC-ի վերլուծաբանների խոսքով՝ առևտրի ընդլայնմանը կնպաստի Աֆրիկայում և Ասիայում ցորենի ներմուծման պահանջարկի աճը, թեև դա տեղի կունենա ոչ այնքան բարձր տեմպերով, որքան վերջին տարիներին։