Թրամփը նոր «ՄԱԿ» է ստեղծում՝ իր կողմը քաշելով Փաշինյանին ու Ալիևին
Նիկոլ Փաշինյանը ստացել է ԱՄՆ նախագահ Դոնալդ Թրամփի պաշտոնական հրավերը՝ Խաղաղության խորհրդին որպես հիմնադիր անդամ միանալու վերաբերյալ։ Վարչապետի խոսնակ Նազելի Բաղդասարյանի փոխանցմամբ՝ Փաշինյանն ընդունել է առաջարկը՝ վերահաստատելով Հայաստանի հանձնառությունը խաղաղության առաջմղմանը։ Թրամփի «Խաղաղության խորհուրդը» ներկայանում է որպես նոր միջազգային խաղաղապահ մարմին։
The New York Times-ը, որ ծանոթացել է խորհրդի կանոնադրությանը, գրում է՝ Թրամփը հրավիրում է երկրներին միանալ երեք տարվա ժամկետից ավելի, եթե նրանք պատրաստ են առաջին տարում վճարել ավելի քան մեկ միլիարդ դոլար։ Մեկ միլիարդ դոլար վճարելու մասին լուրը ավելի վաղ հայտնել էր նաև Bloomberg-ը, սակայն մի շարք երկրների ղեկավարներ արդեն իսկ հերքել են այդ տեղեկությունը։ Խորհուրդը սկզբնապես նախատեսված էր Գազայի վերակառուցումը վերահսկելու համար, սակայն դրա կանոնադրությունում չի հիշատակվում պաղեստինյան անկլավը, ինչը ենթադրում է հնարավոր ավելի լայն մանդատ։
Ներկայումս գործող միջազգային խոշոր կազմակերպությունների նկատմամբ Դոնալդ Թրամփի ունեցած թերահավատությունը կամ, ավելի ճիշտ, գրեթե թշնամական վերաբերմունքը որևէ մեկի մոտ հարցեր չի առաջացնում, և ըստ էության այդ «Խաղաղության խորհուրդը» Միացյալ Նահանգների նախագահն օգտագործելու է նոր համաշխարհային կազմակերպություն ստեղծելու, այդ կերպ Միավորված ազգերի կազմակերպության դերը նսեմացնելու համար, առավել ևս որ Միացյալ Նահանգները դուրս են գալիս հիմնական միջազգային կազմակերպություններից և փորձում ստեղծել միաբևեռ աշխարհ, որտեղ հեգեմոնը լինելու է միայն Միացյալ Նահանգները։
Եվ այս առումով Հայաստանի և Ադրբեջանի միացումը կարող է թշնամաբար ընդունվել տարբեր գերտերությունների և տարածաշրջանային տերությունների կողմից, որոնք ոչ միայն չեն ցանկանում Միավորված ազգերի կազմակերպության դերի թուլացում, այլ նաև միաբևեռ աշխարհ, և սա ավելի շուտ ռիսկեր է առաջացնելու մեր տարածաշրջանի համար, քան օգուտներ է տալու։
Սուրեն Կիրոկոսյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
