Դավոսը Փաշինյանի համար հարկադիր տանջանքի միջավայր կլիներ․ Տնտեսագետ

Դավոսը համաշխարհային ֆորում է, ուր հիմնականում երեք տիպի մարդիկ են գնում․ պետությունների, կենտրոնական բանկերի ղեկավարներ, ովքեր վերահսկում են գլոբալ ֆինանսական հոսքերը և մասնակցում համաշխարհային կայունությանը,  քաղաքատնտեսական տեսաբաններ, որոնք վերլուծում են տնտեսական գործընթացները և խոշոր տեխնոլոգիական բրենդերի ներկայացուցիչներ, ովքեր տարածում են իրենց տեխնոլոգիաները, ձեռք բերում պայմանավորվածություններ։

Այդ մասին Aysor.am-ի հետ զրույցում ասել է տնտեսագետ Հրայր Կամենդատյանը՝ ընդգծելով, որ Նիկոլ Փաշինյանը չի պատկանում այդ երեք տեսակից և ոչ մեկին։

«Փաշինյանը գնա, ի՞նչ անի. ո՛չ անգլերեն խոսել գիտի, ո՛չ մասնագիտական տերմիններին է ծանոթ։ Նայեք նրա արտաքինին՝ մազերը, ատամները, հագուստը, ոչ մի բանը համապատասխան չէ նման վայրին։ Գնա՝ խայտառակվի՞։ Ճիշտ է անում, որ չի գնում, քանզի այնտեղ անելիք իսկապես չունի։ Դավոսը Փաշինյանի համար կլիներ հարկադիր տանջանքի միջավայր, այնտեղ միջազգային, ֆինանսական, տեխնոլոգիական, քաղաքական էլիտան է, իսկ ինքն անգամ տնտեսագիտական նվազագույն գիտելքիներ չունի»,-ասել է Կամենդատյանը։

Տնտեսագետի խոսքով՝ այն միլիոնավոր պարգևատրումների դիմաց, որ ստացել է Փաշինյանը, պետք է գնար միայն այն դեպքում, երբ վստահ լիներ, որ այցը արդյունավետ է լինելու, կարողանալու է նոր կապեր հաստատել։

«Դավոսում մարդիկ իրենց երկրի համար կարևոր պայմանավորվածություններ են ձեռք բերում, բայց քանի որ Փաշինյանն այնտեղ անգամ միջանձնային նորմալ  հարաբերություններ չի կարող ստեղծել, լավ է, որ չի գնալու։ Գինու կամ գարեջրի փառատոն լիներ՝ անմիջապես կգնար»,-խոսքը եզրափակել է Կամենդատյանը։

Հիշեցնենք, որ պաշտոնապես հաստատվել է, որ վարչապետ Նիկոլ Փաշինյանը չի մասնակցելու հունվարի 19-23-ը անցկացվելիք Դավոսի տնտեսական համաշխարհային ֆորումին։