Արևմտամետները կգնան մեկ կուսակցության ցուցակով
Խորհրդարանական հերթական ընտրություններից առաջ արդեն որոշակիանում են այն քաղաքական ուժերը, որոնց իշխանությունը ներդնելու է ընտրություններում՝ իրական ընդդիմադիրներից ձայներ փոշիացնելու համար։ Թեպետ վերջին շրջանում, ըստ մամուլի տարբեր միջոցների, լուրջ խնդիրներ էին առաջացել հաստիքային արևմտամետների ճամբարում, բայց, մեր աղբյուրների փոխանցմամբ, վերջիններիս հաջողվել է հարթել տարաձայնությունները ոչ առանց արևմտյան կառույցների պարտադրանքի։ Ըստ ամենայնի, ընտրությունների կգնան «Հանուն հանրապետության» և «Հանրապետություն» կուսակցությունները մեկ կուսակցության ցուցակով։
«Հանրապետություն» կուսակցության առաջնորդ Արամ Սարգսյանը վերջին շրջանում բավական ուշագրավ թեզ է առաջ մղում, թե պետք է արգելել նախընտրական դաշինքները, որպեսզի կարողանա այդ կերպ խափանել Ռոբերտ Քոչարյանի մասնակցությունը ընտրություններին։ Թեպետ Սարգսյանի առաջարկած այս տարբերակը բոլորովին անիրատեսական է, բայց ակնհայտ է, որ նա դա անում է իրենց սեփական արևմտամետ ուժերին համար քարոզչական նոր դիվիդենտներ շահելու նպատակով։
Արևմտամետները գնալու են մեկ կուսակցության ընտրական ցուցակով, որպեսզի հաջողվի առնվազն հատել 4 տոկոսի սահմանը, ըստ ամենայնի, ավել քվեների հույս ոչ Արման Բաբաջանյանը և ոչ էլ Արամ Սարգսյանը չունեն։ Ընդ որում, ընտրությունների կգնան այս քաղաքական ուժերը՝ քաղհասարակության, սորոսական կազմակերպությունների տարբեր ներկայացուցիչների մասնակցությամբ, իսկ ընտրական ցուցակը գլխավորելու է «Հանրապետություն» կուսակցության նախագահ Արամ Սարգսյանը։
Հենց այս ուժերի վրա էլ դրված է լինելու ընդդիմությանը հիմնականում հարվածելու առաքելությունը։ «Քաղպայմանագիրը» որոշել է իր ձեռքերը չկեղտոտել ընդդիմությանը հարվածելով, և այդ գործը թողնելու է հենց արևմտամետների վրա, վերջիններս էլ բավականին լուրջ քաղաքական և ֆինանսական աջակցություն են ստացել Արևմուտքից, և այդ ամենը օգտագործելու են ռուսամետ ընդդիմությանը վարկաբեկելու նպատակով։
Աննա Հովհաննիսյան
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Тотальный цифровой контроль над гражданами: власть хочет получить доступ ко всем данным мобильных те...
Выборы также развеяли миф об антироссийских настроениях: «Паст»
Институциональное дезертирство или подарок Пашиняну? Искусственно созданная повестка о сложении манд...
Помимо всего прочего, это просто бесчеловечно: «Паст»
Что пыталась предотвратить власть в Гюмри? «Паст»
