Վրաստանն Ադրբեջանի հետ քննարկել է նոր անցակետի կառուցման հարցը
Վրաստանի ֆինանսների նախարարության Եկամուտների ծառայության ղեկավար Իրակլի Բերիայի և Վրաստանում Ադրբեջանի դեսպան Ֆաիգ Գուլիևի հանդիպման ժամանակ ընդգծվել է «Մետաքսի ճանապարհ – İpek Yolu» նոր համատեղ սահմանային անցակետի կառուցման կարևորությունը, հայտնում է «Գրուզիա Օնլայնը»։
Վրաստանի Եկամուտների ծառայության հրապարակած հաղորդագրության համաձայն՝ աշխատանքային հանդիպումը կայացել է դեկտեմբերի 17-ին։
Լրատվամիջոցը գրում է, որ վերջին շաբաթների ընթացքում ադրբեջանական մամուլում մի քանի քննադատական հոդվածներ են հրապարակվել Վրաստանի և Ադրբեջանի հարաբերությունների վերաբերյալ։ Դրանց թվում են՝ «Վրաստանը խաղում է խաղաղության դեմ. Բաքվի և Թբիլիսիի հարաբերություններում լարվածությունն աճում է», «Վրաստանը լսեց Զանգեզուրի քայլերը» վերնագրերով նյութերը։
Ըստ rs.ge-ի տվյալների՝ «հատուկ ուշադրություն է դարձվել սահմանը հատելիս մաքսային ընթացակարգերի պարզեցմանը և թմրամիջոցների ապօրինի շրջանառության դեմ պայքարում համագործակցության հետագա խորացմանը»։
«Հանդիպման ընթացքում անդրադարձ է կատարվել նաև «Մետաքսի ճանապարհ – İpek Yolu» նոր համատեղ սահմանային անցակետի կառուցմանը, որը տարածաշրջանում տարանցիկ ներուժի զարգացման անհրաժեշտ պայման կդառնա»,- ասված է հաղորդագրության մեջ։
Հանդիպմանը ներկա են եղել Եկամուտների ծառայության ղեկավարի առաջին տեղակալ Պաատա Կիլաձեն, Մաքսային դեպարտամենտի ղեկավար Միխեիլ Չոկոշվիլին և Միջազգային հարաբերությունների դեպարտամենտի ղեկավար Արչիլ Դարախվելիձեն, ինչպես նաև Ադրբեջանի դեսպանատան տնտեսական քարտուղար Սամիր Աբդուրագիմովը և մաքսային հարցերով կցորդ Վուսալ Աբիլովը։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
«След» Курдистана в списке «Республики»: кто такой Роман Мурадян? «Паст»
