Գազայի իշխանությունները Իսրայելի կողմից հրադադարի խախտման ավելի քան 730 դեպք են արձանագրել
Իսրայելական զինուժը 738 անգամ խախտել է Գազայի հատվածում հրադադարի մասին համաձայնագիրը՝ ընթացիկ տարվա հոկտեմբերի 10-ին դրա ուժի մեջ մտնելու պահից։ Այսպիսի տվյալներ է հրապարակել պաղեստինյան անկլավի իշխանությունների մամուլի ծառայությունը։
Ըստ Telegram-ալիքում հրապարակված հաղորդագրության՝ խոսքը միջադեպերի մասին է, որոնք ուղեկցվել են օդային հարվածներով և հատվածի խաղաղ բնակիչների ուղղությամբ արձակված կրակոցներով, ինչպես նաև բնակելի տարածքներում իսրայելական զինտեխնիկայի ներխուժմամբ տների և այլ քաղաքացիական շինությունների ապօրինի ավերումներով։
Մամուլի ծառայության պնդմամբ՝ այդ ընթացքում Գազայում Իսրայելի գործողությունների հետևանքով զոհված պաղեստինցիների թիվը գերազանցել է 380-ը, տուժել է 980 մարդ, ևս 43-ը ձերբակալվել են իսրայելական զինվորականների կողմից։
Անկլավի իշխանությունները հրեական պետությանը մեղադրել են ձեռք բերված պայմանավորվածությունների, ինչպես նաև միջազգային մարդասիրական իրավունքի դրույթների «կոպիտ և համակարգված խախտումների» մեջ։
Մերձավոր Արևելքում իրավիճակը կտրուկ սրվել է 2023 թվականի հոկտեմբերի 7-ին Պաղեստինյան ՀԱՄԱՍ շարժման զինված կողմնակիցների՝ Գազայի հատվածից իսրայելական տարածք ներթափանցելուց հետո, որն ուղեկցվել է սահմանամերձ բնակավայրերի բնակիչների սպանություններով և ավելի քան 250 պատանդների գերեվարմամբ։ Ի պատասխան՝ Իսրայելը ռազմական գործողություն է սկսել անկլավում՝ նպատակ ունենալով ոչնչացնել ՀԱՄԱՍ-ի ռազմական և քաղաքական կառույցները և ազատ արձակել բոլոր առևանգվածներին։ Ըստ Գազայի առողջապահության նախարարության վերջին տվյալների՝ մարտական գործողությունների հետևանքով հատվածում զոհված պաղեստինցիների ընդհանուր թիվը կազմել է մոտ 70 հազար, իսկ ավելի քան 171 հազարը ստացել են վիրավորում։
Ընթացիկ տարվա հոկտեմբերի 6-ին Իսրայելի և ՀԱՄԱՍ-ի պատվիրակությունները վերսկսել են Գազայում հակամարտության կարգավորման շուրջ անուղղակի բանակցությունները՝ Եգիպտոսի, Կատարի, ԱՄՆ-ի և Թուրքիայի միջնորդությամբ։ Հոկտեմբերի 9-ին հակամարտող կողմերը ստորագրել են ԱՄՆ նախագահ Դոնալդ Թրամփի կողմից ավելի վաղ ներկայացված խաղաղության ծրագրի առաջին փուլի իրականացման համաձայնագիրը։ Գազայում հրադադարի մասին համաձայնագիրն ուժի մեջ է մտել հոկտեմբերի 10-ին։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
