Վաղարշապատի ընտրությունները՝ փորձության նոր փուլ Փաշինյանի համար
Վաղարշապատում սպասվող տեղական ինքնակառավարման մարմինների ընտրությունները դարձել են քաղաքական լարվածության կիզակետերից մեկը։ Քարոզարշավի ամբողջ ընթացքում ավելի հստակ է դառնում, որ իշխանության թեկնածու Արգիշտի Մեխակյանը շարունակել է «Քաղաքացիական պայմանագիր» կուսակցության տարիներով հաստատված ոչ բարեվարք սկզբունքները՝ վարչական ռեսուրսների չարաշահումը, հակաօրինական քարոզչությունը և ընդդիմադիր թեկնածուների նկատմամբ ճնշումները։
Մեխակյանի առաջադրումը չէր կարող ընկալվել որպես նոր սկիզբ. նախկին քաղաքապետ Դիանա Գասպարյանի օրոք համատեղված կոռուպցիոն սկանդալները ցույց տվեցին, որ իշխող թիմը չի ստեղծում առողջ կառավարման միջավայր։
Ինչպես նշում է ԵՊՀ միջազգային հարաբերությունների և դիվանագիտության ամբիոնի դոցենտ, միջազգային հարցերի փորձագետ Գրիգոր Բալասանյանը՝ նախքան Գասպարյանի նշանակումը կար համոզում, թե նա վատ թեկնածու չէ, սակայն «Քաղաքացիական պայմանագրում լավ թեկնածուներ պարզապես չեն լինում»։ Նրա ղեկավարման տարիներն ավարտվեցին կոռուպցիոն գործերով, որոնցում ներգրավված էր ոչ միայն Գասպարյանը, այլ նաև նրա ամուսինը, սկեսրայրը և ընդհանրապես ողջ շրջապատը։
Բալասանյանի համոզմամբ՝ նույնը սպասվում է նաև Արգիշտի Մեխակյանին, եթե վերջինս ընտրվի համայնքի ղեկավար։ «Նույնիսկ եթե Արգիշտին ցանկանա աշխատել ազնիվ, նա չի կարող դեմ դուրս գալ այն համակարգին, որը կառուցել է Փաշինյանը։ Այդ համակարգը կուլ կտա ցանկացած անհատի, ով կփորձի գործել տարբեր կերպ»,– ընդգծում է նա։
Անբարեխիղճ վարքը նկատելի է արդեն քարոզարշավի փուլում։ Մեխակյանը բացահայտ օգտագործում է վարչական ռեսուրս՝ համայնքի սոցիալական էջերը ծառայեցնելով սեփական քարոզչությանը։ Նույնը անում են իշխանությանը մոտ կանգնած հանձնաժողովների անդամները, որոնք օրենքի բացահայտ խախտմամբ քարոզում են նրա օգտին։ Մեխակյանը նաև բռնվել է նվերների բաժանման ակցիաներ կազմակերպելիս, ինչը իրավական հստակ սահմանմամբ համարվում է ընտրակաշառք։
Միաժամանակ իշխանությունը շարունակում է ճնշումների քաղաքականությունը։ Ընդդիմադիր թեկնածուների նկատմամբ կիրառվում են սպառնալիքներ, իրականացվում են քաղաքական մեղադրանքների հիմքով հետապնդումներ, ինչը ևս մեկ անգամ ցույց է տալիս, որ ընտրությունները Վաղարշապատում հավասար և ազնիվ չեն լինելու։
Գրիգոր Բալասանյանը նշում է նաև, որ Նիկոլ Փաշինյանի պարտությունը Գյումրիում դարձել է «վերջի սկիզբը»․ «Հիմա նա կպարտվի նաև Էջմիածնում»,– համոզված է փորձագետը։
Եթե նոյեմբերի 16-ին իշխող կուսակցության թեկնածուն կարողանա պահպանել իշխանությունը Վաղարշապատում, ապա դա կդառնա ոչ թե կայունության, այլ ռեպրեսիաների սրման նախանշան։ Փաշինյանի վարչակազմը նոր թափով կվերսկսի ճնշումները Հայ Առաքելական Եկեղեցու, հասարակական ակտիվիստների ու տեղական ինքնակառավարման անկախ կառույցների նկատմամբ։ Իսկ իրական համայնքային խնդիրները՝ ենթակառուցվածքների բարելավումը, սոցիալական պաշտպանությունը, քաղաքային կառավարումը, կրկին կմնան անուշադրության տակ։
Ընտրությունները կկայանան նոյեմբերի 16-ին, և անհրաժեշտ է, որ յուրաքանչյուր քաղաքացի օգտագործի իր քվեն։ «Մեր Ձևով» շարժումը կոչ է արել աջակցել ցանկացած թեկնածուի, բացի իշխանության առաջադրած Արգիշտի Մեխակյանից և իշխող քաղաքական ուժի «Հանուն Հանրապետության» կուսակցության կողմից դաշտ նետված սպոյլեր թեկնածուից։ Վաղարշապատի ընտրությունները միայն տեղական ընտրություն չեն․ դրանք ևս մեկ փորձություն են Հայաստանի ժողովրդավարության և քաղաքական առողջացման համար։
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Тотальный цифровой контроль над гражданами: власть хочет получить доступ ко всем данным мобильных те...
Выборы также развеяли миф об антироссийских настроениях: «Паст»
Боррель: расширение функций ЕК привело к полному хаосу во внешней политике ЕС
Институциональное дезертирство или подарок Пашиняну? Искусственно созданная повестка о сложении манд...
Помимо всего прочего, это просто бесчеловечно: «Паст»
