Փաշինյանը նոր զիջումներ է պատրաստվում անել Ադրբեջանին
Երրորդ նախագահ Սերժ Սարգսյանի ծավալուն հարցազրույցին անդրադառնալով՝ Փաշինյանը տասնյակից ավելի գրառումներ և տեսանյութեր էր արել, որոնցից առանձնահատուկ ուշադրության արժանի է մեկը։ Նա հայտարարել էր, թե «սահմանազատման արդյունքում մենք պետք է վերադարձնենք Արծվաշենը և մյուս օկուպացված ինքնիշխան տարածքները»։ Փաստերը վկայում են, որ Ադրբեջանը գեթ 1 քմ հող չի վերադարձրել, ավելին՝ Բաքվի խոսույթը վկայում է, որ առանց առավելագույնը պոկելու՝ նա որևէ քայլ չի անի այս ուղղությամբ։ Իսկ սա այն նույն սահմանազատումն է, որի հետևանքով Հայաստանը կկորցնի Տիգրանաշենը, Հայաստան–Իրան միջպետական ճանապարհի կարևոր կտոր, Ազատամուտից խոշոր կտորներ, Ոսկեպարից մի մեծ հատված, Հայաստան–Վրաստան միջպետական ճանապարհի այլ տարածքներ։
Այս պարագայում, բացառապես Արծվաշենի վերաբերյալ նման հայտարարություններ անելով՝ Փաշինյանը փորձում է պարզապես մոլորեցնել հանրությանը՝ Ադրբեջանին նոր զիջումներ տրամադրելու համար։ Իհարկե, Արծվաշենն իր տարածքով հավասար է բոլոր վերը նշված անկլավային տարածքներին, բայց և՝ գտնվելով Ադրբեջանի տարածքում՝ այնպիսի հատվածում, որտեղ մուտքը Հայաստանի համար մատչելի չի լինելու։ Եվ ըստ էության, Հայաստանին երկար չի հաջողվելու պահպանել այդ տարածքը, նույնիսկ եթե լավագույն դեպքում հնարավոր լինի այն հետ ստանալ Ադրբեջանից։
Իր այս հայտարարությամբ՝ Փաշինյանը ֆոն է ստեղծում, որ Արծվաշենի հնարավոր ենթադրյալ վերադարձի դիմաց նոր զիջումներ իրականացնի Ալիևին։ Ի դեպ, մասնագետները նշում են, որ այսպես կոչված անկլավների վերադարձի որևէ իրավական հիմնավորում գոյություն չունի, անգամ նույն Փաշինյանը ժամանակին հայտարարում էր, որ դրանց տակ որևէ իրավական հիմնավորում չկա։ Եվ նրա հայտարարությունները ոչ այլ ինչ են, քան թոզ փչոց հանրության աչքին։
Ի դեպ, Ռոբերտ Քոչարյանի հարցազրույցից հետո էլ Փաշինյանն այսօր առավոտյան հայտարարել է, թե նրանց «վերջին օրերի հայտարարությունները վերահաստատում են այն, որ Ղարաբաղի հարցը հայտնի ուժերի ձեռքում եղել է թոկ՝ Հայաստանի Հանրապետությունը մոտակա ծառից կապելու համար»։ «Ղարաբաղի մեր ժողովուրդը կառավարության աջակցությամբ պետք է տնավորվի ՀՀ-ում։ Ճիշտ է, սա ծավալուն, բայց և մեծ ռեսուրսներ պահանջող ծրագիր է, բայց մենք այն շարունակելու ենք իրագործել»,– ասել է Փաշինյանը՝ փաստացի ինքն էլ կրկին մոլորեցնում է հանրությանը՝ ուրիշներին մեղադրելով դրա մեջ։ Այս հայտարարությունները պետք է հատկապես հիմա առանձնակի ուշադրություն և հանրային քննարկումներ առաջացնեն՝ թույլ չտալու Փաշինյանի հերթական դավաճանությունը։
Անի Թանդիլյան
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Тотальный цифровой контроль над гражданами: власть хочет получить доступ ко всем данным мобильных те...
Выборы также развеяли миф об антироссийских настроениях: «Паст»
Боррель: расширение функций ЕК привело к полному хаосу во внешней политике ЕС
Институциональное дезертирство или подарок Пашиняну? Искусственно созданная повестка о сложении манд...
Помимо всего прочего, это просто бесчеловечно: «Паст»
