ԱՄՆ-ն ՄԱԿ-ի Անվտանգության խորհրդին առաջարկել է միջազգային ուժեր տեղակայել Գազայում․ Axios
ԱՄՆ պաշտոնյաները երկուշաբթի օրը ՄԱԿ-ի Անվտանգության խորհրդի (ԱԽ) մի շարք երկրներին բանաձևի նախագիծ են ներկայացրել, որի համաձայն՝ միջազգային կայունացման ուժերը Գազայի հատվածում կգործեն առնվազն երկու տարի։ Այս մասին հայտնել է Axios պորտալը, որի լրագրողները ծանոթացել են փաստաթղթին։
Ինչպես նշվում է հրապարակման մեջ, նախագիծը նախատեսում է «ԱՄՆ-ին և մասնակից այլ երկրներին լայն լիազորություններ տրամադրել Գազայի հատվածը կառավարելու և անվտանգությունն ապահովելու համար մինչև 2027 թվականի վերջը՝ երկարաձգման հնարավորությամբ»։ Ամերիկացի պաշտոնյան պարզաբանել է, որ փաստաթուղթը առաջիկա օրերին կքննարկվի ՄԱԿ-ի Անվտանգության խորհրդում։ Վաշինգտոնի վարչակազմը ցանկանում է, որ բանաձևի քվեարկությունը տեղի ունենա ավելի ուշ, իսկ միջազգային ուժերի տեղափոխումը դեպի պաղեստինյան անկլավ սկսվի մինչև հունվար։
Փաստաթղթի նախագիծը նախատեսում է միջազգային ուժերի ձևավորում, որոնք «ապահովելու են Գազայի հատվածի սահմանների անվտանգությունը Իսրայելի և Եգիպտոսի հետ, պաշտպանելու են քաղաքացիական անձանց և մարդասիրական միջանցքները, վերապատրաստելու են նոր պաղեստինյան ոստիկանություն, որի հետ հետագայում կկարողանան համագործակցել, հայտնել է պորտալը։ Այս ուժերը նաև պատասխանատու կլինեն «Գազայի հատվածի ապառազմականացման համար, ներառյալ ռազմական, ահաբեկչական և հարձակողական ենթակառուցվածքների ոչնչացումը և վերականգնման կանխարգելումը», ինչպես նաև անկլավում գործող խմբավորումներից զենքի բռնագրավումը։
Սեպտեմբերի 29-ին Սպիտակ տունը հրապարակել է ԱՄՆ նախագահ Դոնալդ Թրամփի «համապարփակ ծրագիրը», որն ուղղված է Գազայի հակամարտության կարգավորմանը։ Փաստաթուղթը բաղկացած է 20 կետից և նախատեսում է, մասնավորապես, պաղեստինյան անկլավում ժամանակավոր արտաքին կառավարման ներդրում և միջազգային կայունացման ուժերի տեղակայում։ Հոկտեմբերի 9-ին հակամարտող կողմերը ստորագրել են Թրամփի խաղաղության ծրագրի առաջին փուլի իրականացման մասին համաձայնագիրը։ Հոկտեմբերի 10-ին ուժի մեջ է մտել Գազայում հրադադարի մասին համաձայնագիրը։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
