Լավրովը ուղղակի զգուշացնում է Հայաստանին և Կենտրոնական Ասիային
Ռուսաստանի արտգործնախարար Սերգեյ Լավրովը Եվրասիական անվտանգության Մինսկի երրորդ միջազգային համաժողովի բարձր մակարդակի լիագումար նիստի արդյունքներով կայացած մամուլի ասուլիսին դիվանագիտական մի քանի ձևակերպումներ է արել, որոնք պարզ մատչելի լեզվով թարգմանած կարելի է ուղղակի սպառնալիք անվանել՝ ուղղված Հարավային Կովկասի և Կենտրոնական Ասիայի երկրներին: Ըստ Լավրովի՝ Արևմուտքը փորձում է Հարավային Կովկասի և Կենտրոնական Ասիայի երկրներին կտրել Ռուսաստանից՝ փոխգործակցության սեփական կառույցներ կառուցելու միջոցով, և Մոսկվան կկանխի նման փորձերը բոլոր հնարավոր միջոցներով:
«Արևմուտքը փորձում է այդ կապերն օգտագործել ոչ այնքան փոխշահավետ համագործակցության համար, որքան այդ երկրներին Ռուսաստանի Դաշնությունից կտրելու նպատակով։ Մենք կկանխենք նման միտումները բոլորը առկա հնարավորություններով», - ասել է Լավրովը, բայց և մանրամասնել՝ «դիվանագիտական, քաղաքական, տնտեսական»: Ըստ Լավրովի, Ռուսաստանը երբեք չի համաձայնի, որ Կենտրոնական Ասիայում և Անդրկովկասում իր դաշնակիցների ու համախոհների բարի կամքը օգտագործվի և չարաշահվի և նրանց մղեն դեպի Ռուսաստանի հետ հակազդեցության:
Ըստ էության, Ռուսաստանը արձագանքում է արևմտյան երկրների ուժգնացող էքսպանսիային դեպի Հարավային Կովկաս և Կենտրոնական Ասիա, որոնք ավանդաբար եղել են Ռուսաստանի ազդեցության գոտին: Եվ այժմ, Ուկրաինայում պատերազմի մեջ գտնվող Ռուսաստանի որոշակի թուլացումն օգտագործելով, Արևմուտքը փորձում է բավականին հարմարավետ տեղավորվել այդ տարածքներում: Վաղ թե ուշ, ինչպես կանխատեսելի էր, Ռուսաստանը կոշտ արձագանքելու է նման միտումներին: Իսկ Լավրովի խոսքը նշանակում է, որ Ռուսաստանը արդեն հատել է համբերության բոլոր սահմանները: Թե ինչ եզրակացություններ կանեն դրանից Հայաստանի իշխանությունները, բարդ է ասել: Բայց և պետք է հստակ գիտակցեն, որ դա հետևանքներ է ունենալու:
Լուսինե Կարապետյան
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
В Ширакской области правоохранители проводятся обыски в офисе «Сильной Армении»: есть задержанные
