Սամվել Կարապետյանի ուղերձը ԱԱԾ մեկուսարանից. «Ոչ մի բանտարկություն չի կարող կոտրել մեր կամքը»
Սամվել Կարապետյանը հոկտեմբերի 27-ին ԱԱԾ մեկուսարանից ուղերձ է հղել հայ ժողովրդին։
«Սիրելի՛ հայրենակիցներ, երեկ և անցած օրերին տեղի ունեցած իրադարձությունները եկան ապացուցելու իմ ամենավատ կանխատեսումները։ Փոքրիկ խմբակը ցույց տվեց, որ բառի ամենաուղիղ իմաստով պատրաստ է անցնել յուրաքանչյուր սրբության վրայով։ Հանուն իշխանության պահպանման այդ մարդիկ հայ ժողովրդի ողջ պատմության ընթացքում չտեսնված արարք գործեցին՝ փորձելով թշնամաբար կոտրել Հայ Առաքելական Եկեղեցու կարգը և արատավորել Սուրբ պատարագն իրենց միջամտությամբ։ Դրանով ազգային պառակտման ճանապարհին այս իշխանությունները նոր «քայլ արեցին»՝ արժանանալով ողջ հայության դատապարտմանը և զայրույթին։ Կարելի է վստահ լինել, որ այսքանով փոքրիկ խմբակը կանգ չի առնելու մեր կարևորագույն ազգային ինստիտուտին՝ Մայր Աթոռին հարվածներ հասցնելու և վարկաբեկելու համար։ Սակայն նրանք պետք է իմանան, որ մենք էլ շարունակելու ենք պաշտպանել մեր արժեքներն ու սրբությունները՝ ճիշտ այնպես, ինչպես արել ենք դարեր առաջ, արել ենք երեկ ու անելու ենք վաղը։ Ոչ մի զրկանք չի կարող կանգնեցնել մեր շարժման ընթացքը դեպի հաղթանակ։ Ոչ մի բանտարկություն չի կարող կոտրել այսօրվա քաղբանտարկյալների կամքը՝ ապրելու բռնապետությունից և օտարի ազդեցությունից ազատ, քրիստոնեական արժեքներով առաջնորդվող, արժանապատվությունը վերականգնած Հայաստանի Հանրապետությունում։ Անելու ենք՝ Մեր ձևով»,– ասված է ուղերձում։
Միևնույն ժամանակ, հոկտեմբերի 26-ին «Մեր ձևով» ժողովրդական շարժման անդամները աշխատանքային այցով եղել են Վանաձորում։ Այցի շրջանակում Տիգրան Մեծ 28 և Խորենացի 8/11 հասցեներում բացվել են շարժման երկու տարածքային գրասենյակներ։ Բացման հանդիսավոր արարողությանը մասնակցել է շարժման համակարգող Նարեկ Կարապետյանը, ով իր խոսքում ընդգծել է Վանաձորի՝ երբեմնի արդյունաբերական քաղաք լինելու ներուժը։ Նա նշել է, որ Վանաձորը, որպես Հայաստանի երրորդ խոշոր քաղաք, ունի իր երբեմնի տնտեսական հզորությունը վերականգնելու և դառնալու երկրի արդյունաբերական ու զբոսաշրջային կենտրոններից մեկը։
Գրասենյակների բացումից հետո շարժման անդամները շրջել են քաղաքում, հանդիպել և զրուցել բնակիչների հետ՝ ներկայացնելով շարժման նպատակներն ու ծրագրերը։ Օրվա ավարտին նրանք այցելել են Դարպաս գյուղ, որտեղ հանդիպել են գյուղացիների հետ, լսել նրանց խնդիրները և ներկայացրել շարժման կողմից առաջարկվող գյուղական համայնքների զարգացման տեսլականը։
Չնայած Գյումրիի գրասենյակի ղեկավար Ռուբեն Մխիթարյանի ձերբակալությանը և իշխանական քարոզչամեքենայի կողմից տարվող վարկաբեկիչ քարոզչությանը՝ «Մեր ձևով» շարժումը շարունակում է ընդլայնվել ու ամրանալ։ Օրեցօր ավելանում են ոչ միայն շարժման մասնակիցների, այլև հասարակության լայն շերտերի համակրանքն ու աջակցությունը։ Շարժման գաղափարներն ու նպատակները, որոնք միտված են արժանապատիվ, ազատ և հզոր Հայաստանի կառուցմանը, շարունակում են համախմբել հազարավոր մարդկանց։
Շարժման մթնոլորտում ձևավորվում է նոր հավատ՝ հավատ սեփական ուժերի, սեփական երկրի և ապագայի նկատմամբ։
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
