«Տրոյական ձիեր» Վաղարշապատի ՏԻՄ ընտրություններո՞ւմ
Վաղարշապատի ՏԻՄ ընտրություններում առաջադրված 9 կուսակցություններից մի քանիսի վերաբերյալ բավականին ուշագրավ տեղեկություններ են հայտնի դառնում։ Հիշեցնենք, որ առաջադրվել են արմատական ընդդիմադիր մի քանի ուժեր՝ «Մայր Հայաստան» կուսակցությունը, «Հայրենիք» կուսակցությունը, «Հաղթանակ» դաշինքը, որի կազմում են Դաշնակցությունն ու «Առաջ» աջակենտրոն կուսակցությունը, որոնք էլ հիմնականում պայքարելու են գործող իշխանությունների և նրանց արբանյակ «Հանրապետություն» կուսակցության դեմ։
Կենտրոնական ընտրական հանձնաժողովի հրապարակած տեղեկություններից պարզ է դառնում, որ առաջադրվել են նաև «Ժառանգություն» կուսակցությունը և «Ազատ դեմոկրատները»։ Ընդ որում, այս երկու ուժերի վերաբերյալ բավականին լուրջ վերապահումներ կան։ «Ժառանգություն» կուսակցության ընտրական ցուցակը գլխավորում է նախկին զինվորական Արկադի Փայտյանը, ով ներկայումս ղեկավար պաշտոն է զբաղեցնում էներգետիկ ոլորտում։ «Ազատ դեմոկրատների» ցուցակն էլ գլխավորում է գործարար Վարդան Ազատյանը։ Թեև երկու ուժերն էլ հանդես են գալիս ընդդիմադիր դիրքերից, բայց և բավականին մեծ կասկածներ կան նրանց մասնակցության վերաբերյալ։
Մասնավորապես, «Ժառանգություն» կուսակցության ընտրական ցուցակում ընդգրկված է նաև երջանկահիշատակ գեներալ Մանվել Գրիգորյանի դուստրը՝ Այծեմնիկ Գրիգորյանը։ Նախօրեին Հակակոռուպցիոն կոմիտեն նախաքննության ավարտ է հայտարարել Մանվել Գրիգորյանի դեմ հարուցված քրեական գործով, գործն ուղարկել է Հակակոռուպցիոն դատարան, և այս գործով մեղադրյալներ են գեներալ Մանվելի կինը՝ Նազիկ Ամիրյանը, և որդին՝ Կարեն Գրիգորյանը։ Գեներալի կինը հայտարարում է, որ իրենք պայքարելու են «թրքասեր» իշխանության դեմ և ամեն ինչ անելու են, որպեսզի «Քաղաքացիական պայմանագրին» պաշտոնազրկեն։ Մեղմ ընդդիմադիր դիրքերից հանդես է գալիս նաև «Ազատ դեմոկրատների» թեկնածուն։ Թեպետ Էջմիածնում մտավախություն ունեն, որ այս երկու ուժերն էլ կարող են ավագանու կազմ անցնելու դեպքում իրենց քվեները տալ ոչ թե ընդդիմադիր ուժերին, այլ «Քաղաքացիական պայմանագրին»՝ ապահովելով դրա հաղթանակը։ Եվ այդ մասով մտավախությունները օբյեկտիվ են։ Առնվազն «Ազատ դեմոկրատների» մասով լուրջ վերապահումներ կան։
Նարե Բաբայան
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
