Քրդերի գծած՝ իրենց ապագա երկրի սահմաններն ընդգրկում են Հայաստանի թե՛ պատմական, թե՛ ներկա տարածքները. «Փաստ»

«Փաստ» օրաթերթը գրում է.

Մեր թերթի ս. թ. հոկտեմբերի 3–ի համարում հրապարակել էինք հարցազրույց հայագետ Նազելի Մարգարյանի հետ «Քրդական պետության ձևավորումով մեր երկրին կրկին տիրանալու մեր շանսերը մեծանո՞ւմ են, թե այլևս մեզ շանս չի մնում» վերնագրով:

Հայագետը նշում է. «Եվրոպայում տարբեր լեզուներով հրատարակվող «Քրդերի պատմությունը» դասագրքերում Հայաստանը ներկայացված է որպես քրդերի բուն հայրենիք, Միտանին՝ հնագույն քրդական պետություն, Էրեբունին՝ Երևանը, նրա մայրաքաղաքը: Արարատ լեռը քրդական է: Այդ տարածքների վրա կառուցված կամուրջներն ու այլ շինությունները՝ քրդական: Հայերը ներկայացված են որպես քոչվոր առևտրականներ:

Եվ այս դասագրքերով եվրոպական բարեկեցիկ երկրներում սովորում են հարյուր հազարավոր քուրդ երիտասարդներ:

Այս ամենը միտված է հող նախապատրաստելու և քուրդ երիտասարդների գիտակցության մեջ ամրապնդելու նոր ստեղծվող «հայրենիքի» գաղափարը:

Սակայն դրա միայն արտաքին մասն է քրդական. եթե նախկինում Իսրայելը հավակնում էր Նեղոսից Եփրատ ընկած տարածքին, ապա այժմ՝ Նեղոսից մինչև Սև ծով և ավելին...»:

Իսկ Վիլսոնյան իրավարար վճռի մասնագետ Արա Պապյանը, հղում կատարելով այլ փորձագետների, նշում է՝ «...անկախ Քուրդիստանի ստեղծմամբ շահագրգռված է Իսրայելը, որը համարվում է այն երկիրը, որը 60–ականներից սկսած օգնել է քրդերին և այսօրվա դրությամբ միակ երկիրն է, որը, չսպասելով հանրաքվեից հետո Քուրդիստանի խորհրդարանի՝ իր անկախության հռչակմանը, հաստատակամ հայտարարում է ճանաչելու անհրաժեշտության մասին»: (Տես www.tert.am/am/news/2017/09/30/papyan/2497075):

Որպես մասնագետների խոսքի ապացույց՝ ներկայացնում ենք «Ապագա Քրդստանի քարտեզը», որը զետեղված է «Քրդերի պատմությունը» դասագրքում:

Ի դեպ, այս դասագիրքը տպագրված է եվրոպական տարբեր լեզուներով: Նրանով են իրենց պատմությունը «սովորում» եվրոպական երկրներում ապրող քուրդ երիտասարդները:

Շարունակությունը՝ «Փաստ» օրաթերթի այսօրվա համարում