Սեր և ատելություն․ էրոտիկ պատմություն 18+

Կարեն Աբրահամյան, My.mamul.am

Սիրում էի, սակայն նրա անտարբերությունն իմ նկատմամբ, ինձ խելագարության էր հասցնում: Ամեն կերպ ցանկանում էի գրավել նրա ուշադրությունը, բայց ապարդյուն: Ամեն անգամ հանդիպելով նրան, հալ ու մաշ էի լինում: Նա մեր կուրսի ամենագեղեցիկ ու առնական տղան էր: Գիտեր աղջիկների հետաքրքրությունն իր նկատմամբ: Ես որևէ աղջկա չէի զիջում իմ գեղեցկությամբ: Տառապանքնեիս վերջ դնելու համար, որոշեցի ինքս առաջին քայլն անել՝տուն հրավիրել: Առաջին անգամ մերժեց: Երբ ծնողներս երեք օրով ճամփորդության մեկնեցին, կրկին փորձեցի: Այս անգամ համաձայնվեց գալ: Ես փութաջանորեն նախապատրաստվել էի նրա այցին: Հագնվել էի այպիսի շրջազգեստ, որի տակից երևում էին իմ բարեմասնությունները: Բնականաբար, նաև՝խորտիկներ, խմիչք, անուշեղեն: Քաջության համար փորձեցի մեկ գավաթ շամպայն խմել և խոստովանել: Մինչ իմ խոստովանությունը, գինովցած տղան սկսեց համբուրել ինձ, որին վաղուց փափագում էի: Ինքնամոռաց ու կրքով լի, պատասխանում էի նրա համբույներին: Ես կատարյալ երջանիկ էի մինչ այն պահը, երբ նա առանց շուրթերիցս պոկվելու, արձակելով իջեցրեց ջինսն ու վարտիքը, որոնց տակից դուրս ցցվեց իր թաքնված օրգանը:
-Ի՞նչ ես անում, - նրա շուրթերից պոկվելով հարցրեցի:
-Այն, ինչի համար դու հրավիրել ես՝ սեքս:
-Դու ինձ լավ չես հասկացեկ, ես սեքսի համար չեմ հրավիրել, ուզում եմ, քեզ հետ շփվել: Բավարարվենք համբույներով:
-Համբուրվել կարող եմ ցանկացածի հետ, ես սեքսի համար եմ եկել: Թե ուզում ես, խնդրեմ:
-Չեմ ուզում, -գլխի շարժումով հասկացրեցի:
-Եթե չես ուզում, ուրեմն քեզ հաջողություն, համբուրվելու համար մեկ ուրիշին հրավիրիր, ես գործնական հանդիպումներ եմ ունենում, -ասաց և ջինսը վեր քաշելով, պատրաստվեց հեռանալ:
Մոլորվել էի: «Հազիվ եմ կարողացել նրա հետ շփման եզրեր գտնել, -մտածում էի, -թե հեռանա, կկորցնեմ նրան ու կտառապեմ կրկին: Սեքսից հետո, հնարավոր է, մտերմանանք և նա իմը կլինի»: Պատկերացում և մտադրություն անգամ չունենալով սեքսի մասին:
-Համաձայն եմ, արա ինչ ուզում ես, միայն մի գնա, -խղճուկ ձայնով ասացի:
Նա վերադարձավ, կրկին իջեցրեց ջինսե տաբատը, այնուհետև հանեց շրջազգեստս ու արեց այն, ինչ ուզում էր: Այնքան էի տարվել նրանով, որ ոչինչ չգիտակցեցի ու չհասկացա: Մինչ ծնողներիս գալը, նա մնաց ինձ հետ: Հեռանալիս, թմփթմփացրեց հետույքիս, ասելով, որ ես անկրկնելի եմ, որ ուզում է միայն ինձ հետ լինել: Ուրախությանս չափ չկար՝վերջապես ես հասել էի իմ սիրո էակին: Մեկ տարուց ավելի շարունակեցինք սիրով զբաղվել: Մի օր էլ ինձ համար անակընկալ մատուցեց, հայտարարելով, թե պատրաստվում է ամուսնանալ և հրաժեշտի սեքսն է լինելու: Ուղեղս մթագնեց:
-Ի՞նչ ես ասում, -գոռացի, -փաստորեն դու ինձ օգտագործում էիր քո սեռական պահանջները բավարարելու համա՞ր:
-Իսկ ի՞նչ ես կարծում, ես պիտի ամուսնանայի մի աղջկա հետ, ով տղային առաջարկություն է անում, համաձայնվում է սեռական հարաբերություններ ունենալ առաջին հանդիպման ժամանակ, առաջին իսկ պատահած տղայի հե՞տ: Դու գի՞ժ ես: Ես միայն քո ցանկություններն եմ կատարել: Քո կրքերն եմ հանդարտեցրել: Այնպես չէ, որ միայն ես եմ հաճույք ստացել: Շնորհակալ եղիր: Քո պատրաստած խորտիկները շատ համեղ էին: Մնաս բարով, քաղցրիկս:
-Հեռացիր, գնա:
Գլխիկոր ու մոլորված չգիտեի ինչ անել: Ինչպե՞ս կարող էր նման բան անել: Սերն, որ տածում էի նրա նկատմամբ վայրկյանապես վերածվեց ատելության:
Օրերն անցնում էին: Չնայած շատ երկրպագուների, այլևս տղաների հետ շփվելու ցանկություն չունեի: Սառել էի:
Բաժանումից երկու տարի անց, նա զանգեց, խնդրեց հանդիպել:
Համաձայնվեցի հանդիպել ոչ թե անցյալի սիրուց այրված նրան տեսնելու ցանկությունից, այլ քաղաքավարությունից ելնելով:
Պատմեց, որ բաժանվել է կնոջից ՝ նրա դավաճանության պատճառով և ցանկանում է ամուսնանալ ինձ հետ, ընտանիք կազմել: Ասաց նաև, որ արդեն դիտի, որ ինքն է եղել իմ միակ տղամարդը:
-Ցավում եմ, բայց քեզ արդեն ատում եմ: Դու չկարողացար գնահատել իմ անկեղծությունն ու անաղարտ սերը քո նկատմամբ, սեր, որ ոչ ոք այլևս քեզ չի կարող տալ: Քեզ հանձնեցի հոգիս և մարմինս, բայց դու քամահրանքով օգտագործեցիր ու դեն շպրտեցիր այն պահպանակների նման, որ ամեն անգամ հաջորդաբար փոխում էիր: Դու ինձ ցավ ես պատճառել, ես չեմ պատրաստվում ամուսնանալ ոչ միայն քեզ, այլև որևէ այլ տղամարդու հետ: Ինձ հանգիստ թող: Հաջողություն: Գնա, օրինավոր մի կին գտիր քեզ համար, ով չի տրվել առաջին պատահածին, -ասացի ու հեռացա:
Այդպես էլ չեմ ամուսնացել: