Արման Վարդանյան. «Ներքին թշնամիներն ամեն ինչ անում են, որպեսզի բանակը մնա կոռումպացված». «Փաստ»
«Փաստ» օրաթերթը գրում է.
«Միասնություն» համազգային շարժման կազմակերպած հերթական կլոր սեղան–քննարկումը նվիրված էր հասարակություն–բանակ–պետություն կապին:
«Միասնություն» համազգայինշարժման խորհրդի նախագահ Արման Վարդանյանն անդրադառնալով այս շղթային նշեց, որ ինքը ծառայել է Հայոց բանակում և հենց ներսից գիտի կառույցի խնդիրները:
«Կան հարցեր, որոնք ուղղված են ազգային անվտանգությանը և եթե չունենանք հզոր բանակ, չենք ունենա ո՛չ անկախություն և ո՛չ էլ պետություն: Ունենալով ուժեղ բանակ պետք է նաև հստակ քայլեր ձեռնարկենք մեր բանակի է՛լ ավելի հզորացման համար: Այսօր ունենք նաև ներքին թշնամիներ, որոնք ամեն ինչ անում են, որպեսզի բանակը մնա կոռումպացված, բացասական երևույթներն արմատախիլ չարվեն, որպեսզի մեր զինվորների ու մեր հերոսների կյանքի հաշվին նրանք շարունակեն վայելել իրենց բարեկեցիկ կյանքը»,– իր խոսքում ասաց Ա. Վարդյանյանը:
Բանախոսի կարծիքով՝ հարկավոր է նման արատավոր երևույթների դեմ իրական պայքար մղել, որպեսզի այն վերջնականապես արմատախիլ արվի մեր բանակից: Հաջորդ ամենակարևոր հարցը, ըստ Ա. Վարդանյանի, հայոց սահմանների պաշտպանությանն էր վերաբերում:
«Հայոց սահմանները ոչ թե 18–ամյա զինվորները պետք է պաշտպանեն, այլ դա պետք է իրականացվի պրոֆեսիոնալ զինվորականների միջոցով: Պրոֆեսիոնալ զինվորներն էլ իրենց հերթին պետք է վստահ լինեն, որ այնպես, ինչպես իրենք են պաշտպանում մեր երկիրը, նույնկերպ էլ հայրենիքն է պաշտպանում թե՛ իրենց և թե՛ իրենց ընտանիքներին»,– ասաց Ա. Վարդանյանը:
Նա նաև նշեց, որ շատ խնդիրներ կան բանակում, որոնց լուծումը ամենևին էլ ֆինանսական ծախսեր չի պահանջում, բայց բավականին օրակարգային է: Օրինակ՝ սպա–զինվոր փոխհարաբերությունները, որոնք երբեմն այնքան են սրվում, որ զինվորներին կարող են կանգնեցնել աղետալի հետևանքների առաջ:
«Շատ մարդիկ երկրից արտագաղթում են, որպեսզի իրենց որդիները չծառայեն բանակում, քանի որ շատերն իրենց պաշտպանված չեն զգում: Պետք է բարձրաձայնելով օգնել, որ նման խնդիրները լուծվեն, հակառակ դեպքում՝ վաղը ուշ կլինի: Եվ մինչև սպան զինվորի մեջ չտեսնի իր զավակին, եղբորը կամ հարազատին, ոչինչ էլ չի ստացվի: Դա նաև ռազմահայրենասիրական դաստիարակության պակասի հետևանք է»,– ասաց Ա. Վարդանյանը:
Ու թեև տեսակետ կա, որ բանակում առկա բացերի մասին խոսելիս ինչ–որ տեղ հարկավոր է զգուշավորություն ցուցաբերել, սակայն քննարկման մասնակիցներից շատերի կարծիքով կան հարցեր որոնց մասին լռելն ավելի վտանգավոր կարող է լինել:
Շարունակությունը` «Փաստ» օրաթերթի այսօրվա համարում:
Ucom Reopens Sales and Service Center on Tigran Mets Avenue
From idea to implementation: Ameriabank Presents the Programs Implemented under My Ameria, My Armen...
Unibank Completed the Placement of Its Third Issuance of Perpetual Bonds
We condemn the unlawful actions by Armenia’s Gov. against the Armenian Apostolic Church. Jan Figel
The results of the second Junius financial literacy competition have been summarized
Scholarship for 100 Artsakh Students as Part of IDBank’s “Side by Side” Program
Free Style issues Armenia’s first corporate bonds in the fashion retail sector, placed by Cube Inves...
Secret Santa at idplus: Anonymous Gift Cards
AraratBank Receives Visa Trusted Partnership Award 2025
Tech Innovator and Winemaker Adam Kablanian Joins the Board of Trustees of the “Music for Future” Fo...
