Լավագույն մասնագետներին գտնելու ամենաարդյունավետ մեթոդը հայկական CodeSignal-ից

Աշխատանքի ընդունման ավանդական մեթոդներներն այլևս արդյունավետ չեն։
Լավագույն մասնագետներին գնահատելու համար անհրաժեշտ են հմտությունների գնահատման օբյեկտիվ մեթոդներ։
Հայկական «CodeSignal» ընկերությունը լուծում է այս խնդիրը՝ օպտիմիզացնելով աշխատանքի ընդունման պրոցեսը։

Համապատասխան թեկնածուներ ընտրելու համար գործատուները տարբեր մեթոդներ են կիրառում։ Հաճախ հիմնվում են ռեզյումեների, մոտիվացիոն նամակների և հարցազրույցների վրա։ Սակայն այս մեթոդները մի շարք խնդիրներ են առաջացնում հատկապես ՏՏ ոլորտում՝ տեխնիկական մասնագետների ներգրավման ժամանակ։ Գործատուն չի կարողանում անկողմնակալ կերպով ստուգել թեկնածուի տեխնիկական գիտելիքները, փոխարենը՝ հիմնվում է միայն թեկնածուի կողմից տրամադրված տեղեկությունների վրա։

Ռեզյումեները կամ ինքնակենսագրականները ցույց են տալիս դիմորդի աշխատանքային փորձը, բայց ցույց չեն տալիս մասնագիտական հմտությունները և տեխնիկական / մասնագիտական խնդիրներին արդյունավետ լուծումներ տալու կորողությունը։ Չնայած նրան, որ հարցազրույցները հնարավորություն են տալիս ավելի խորքային պատկերացում կազմել դիմորդի հմտությունների վերաբերյալ, այնուամենայնիվ, դրանք սուբյեկտիվ են և ժամանակատար։ Ավելին՝ հարցազրույցի ընթացքում թեկնածուն հիմնականում պատմում է իր հմտություններ մասին, սովորաբար դրանք որևէ կերպ ցույց չի տալու հնարավորություն չի լինում։

Հասկանալով այս խնդիրները՝ շատ գործատուներ լավագույն մասնագետներին գտնելու համար փորձում են կիրառել ինովացիոն մեթոդներ։ Հմտությունների թեստավորումը այդ մեթոդներից մեկն է։ Ստանդարտացված թեստերը հնարավորություն են տալիս ավտոմատացնել թեկնածուների հմտությունների գնահատումը հավաքագրման պրոցեսի հենց սկզբում՝ խնայելով ժամանակ և ռեսուրսներ։

Թեստավորումը ներառում է տեխնիկական, մասնագիտական գիտելիքների և հմտությունների ստուգման թեստեր, կոգնիտիվ ունակությունների ստուգման թեստեր, ինչպես նաև soft հմտությունների ստուգման թեստեր։ Գործատուները կարող են օգտագործել նմանատիպ թեստերը ռեզյումեներում նշված կարողությունները ստուգելու համար։ Արդյունքում, գործատուն ստանում է թեկնածուի գիտելիքների և հմտությունների իրական պատկերը, կարողանում է օբյեկտիվ և արագ որոշումներ կայացնել։

Հմտությունների թեստավորման հիմնական առավելությունները

Աշխատանքի ընդունման պրոցեսը դարձնում է անկողմնակալ

Հարցազրույցների վրա հիմնվելով՝ անկողմնակալ որոշում կայացնելը դժվար է։ Որքան էլ, որ փորձառու լինի հարցազրուցավարը, կարող է սխալ կարծիք կազմել դիմորդի գիտելիքների մասին՝ անգիտակցորեն հիմնվելով կարծրատիպերի վրա։ Մեկ այլ իրավիճակում՝ հարցազրուցավարը կարող է կենտրոնանալ որևէ դրական հատկանիշի վրա և անտեսել կարևոր հմտությունների բացակայությունը։ Հաճախ հանդիպող խնդիր է նաև, երբ հարցազրուցավարը առանց գիտակցելու դրական է տրամադրվում այն թեկնածուների նկատմամբ, ում հետ անձնական կամ մասնագիտական փորձառնության նմանություններ ունի։

Տեխնիկական հմտությունների ստուգման թեստերը լուծում են այս բոլոր խնդիրները՝ դարձնելով աշխատանքի ընդունման պրոցեսը հնարավորինս օբյեկտիվ։

Խնայում է թիմի ժամանակը

Երբ գործատուն կիրառում է հմտությունների ավտոմատացված թեստավման մեթոդ՝ դիմորդների հավաքագրման պրոցեսի հենց սկզբում, թիմն այլևս ստիպված չի լինում ժամեր ծախսել ռեզյումեների վերլուծության վրա։

Նման թեստավորումները կարող են օգտագործվել նաև հավաքագրման հետագա փուլերում՝ փոխարինելով հարցազրույցներին։ Այս դեպքում նույնպես գործատուն խնայում է ժամանակ տվյալ փուլի ավտոմատացման շնորհիվ։

Օգնում է գտնել իսկապես համապատասխան մասնագետների

Հմտությունների թեստավորումն օգնում է բացահայտել լավագույն մասնագետներին՝ հավաքագրման պրոցեսի հենց սկզբում։ Ի տարբերություն հարցազրույցների կամ ռեզյումեների վերլուծության՝ նման թեստերը հստակ չափում են աշխատանքի համար անհրաժեշտ հմտությունները և գիտելիքները։ Արդյունքում՝ գործատուն հստակ տեսնում է, թե որ թեկնածուներն են առավել որակավորված իր ընկերությունում տվյալ աշխատանքը կատարելու համար։

Ընկերության կամ հաստիքի պահանջներին անհամապատասխան մասնագետի աշխատանքի ընդունելը հանգեցնում է հետագա ծախսերի։ Այդ իսկ պատճառով մի շարք միջազգային հայտնի ընկերություններ օգտվում են հայկական «CodeSignal» պլատֆորմից՝ աշխատանքի ընդունման պրոցեսներն օպտիմալացնելու նպատակով։ «CodeSignal»-ը հնարավորություն է տալիս ընկերություններին հավաքագրման պրոցեսի հենց սկզբից կենտրոնանալ այն թեկնածուների վրա, ովքեր ունեն անհրաժեշտ հմտություններ և գիտելիքներ տվյալ աշխատանքը պատշաճ կատարելու համար։ Արդյունքում հավաքագրման պրոցեսը դառնում է հնարավորինս արդյունավետ։

__________

2021թ.-ին CodeSignal-ը ներառվել է The Silicon Review-ի տարվա լավագույն 50 գործատուների ցուցակում։ Facebook-ը, Zoom-ը, Uber-ը, Netflix-ը, Quora-ն և միջազգային հեղինակավոր բազմաթիվ այլ ընկերություններ այսօր օգտվում են CodeSignal պլատֆորմից, որպեսզի առավել անկողմնակալ կերպով տաղանդավոր մասնագետներ ընտրեն իրենց ընկերությունների համար: