Այս տարվա սեպտեմբեր-հոկտեմբերից Հայաստանում ծխախոտը 3-4 անգամ թանկանալու է. Դավիթ Պետրոսյան
Ծխախոտի դեմ պայքարը Հայաստանում նոր երևույթ չէ: Այսօր Ծխախոտի դեմ պայքարի միջազգային օրվան նվիրված ասուլիսին հայտարարեց ՀՀ Առողջապահության նախարարի խորհրդական Դավիթ Պետրոսյանը՝ նկատելով, որ դեռևս 2004 թվականին ՀՀ վավերացրել է միջազգային հակածխախոտային շրջանակային կոնվենցիան՝ մշակված ՄԱԿ-ի կողմից: Նա նաև հավելեց, որ 2005 թվականին ՀՀ ընդունել է ծխախոտի սահմանափակման, տարածման մասին օրենքը, որով արգելվեց արտաքին:
«1990 թվականին 15 տարեկան և ավելի մեծ տղամարդկանց թիվը կազմում էր 63%, 10 տարի հետո հետազոտությունները ցույց տվեցին, որ թիվը 10%-ով պակասել է, սա խոսում է, որ գործիքներ ազդել են, սակայն մարդը չի կարող նկատել, որ ծխողների թիվը 10 տոկոսով պակասել է: Հիմա երիտասարդների մեջ մեծացել է թիվը, որոնք նախընտրում են չծխելը, իսկ ծխող դեռահասների տոկոսը պակասել է: Եթե ես հիմա ասեմ, որ չեն ծխում, քանի որ մտահոգված են, սուտ կլինի, քանի որ իրենց ապագա հիվանդություններով չես վախեցնի: Բանն այն է, որ մենք հիմա ավելի բաց երկիր ենք ու նկատում ենք, որ ծխելն այլևս մոդայիկ չէ»,- ասաց Պետրոսյան:
ՀՀ Ամերիկյան համալսարանի «Զուարթ Ավետիսեան Օնանեան» առողջապահական ծառայությունների հետազոտման և զարգացման կենտրոնի ավագ գիտաշխատող Արուսյակ Հարությունյան շեշտեց, թե ծխելը պարզապես վատ սովորություն չէ, այլ հիվանդություն է: Նրա գնահատմամբ՝ օրենսդրական դաշտի հետ կապված խնդիրները կարգավորվել են, սակայն դեռևս թերի է ծխախոտային կախվածության դեմ բուժման ոլորտը:
«Ծխելը որակվել է վատ սովորույթ, մարդու ընտրություն, ապրելակերպի ընտրություն: Սակայն հիմա ծխելը մնում է հիվանդություն, ցանկացած բժիշկ, բուժաշխատող դրան պետք է վերաբերվի այնպես, ինչպես հիվանդություն կբուժի, այսինքն՝ ախտորոշի, բուժի և այլն: Այս մոտեցումը ՀՀ-ում ներդնելու համար 2014 թվականին մեր կենտրոնը ստացել է դրամաշնորհը և իրականացնում ենք, բժիշկներ կրթում՝ ծխախոտային բուժման առումով: Երբ ծրագիրը սկսեցինք ուսումնասիրել, հասկացանք, որի ոլորտում ուսումնասիրություն չկա, թե ինչ կարծիքի են բժիշկներն, ինչ մոտեցումներ ունեն»,- շեշտեց Ավետիսյանը:
ՀՀ Առողջապահության նախարարի խորհրդական էլ հավելեց, որ ծխախոտի դեմ պայքարի արդյունավետ միջոց համարում է գների բարձրացումը.«Ամենաարդյունավետ մեթոդը ծխախոտի գնի թանկացումն է, և Հայաստանում ծխախոտը 3-4 անգամ թանկանալու է այս տարվա սեպտեմբեր-հոկտեմբերից սկսված»,- շարունակեց Պետրոսյանը:
Սակայն Արուսյակ Հարությունյանը ծխախոտի գների հարցում մի վտանգ է տեսնում՝ նրա համար հարց է, թե բարձրացված գինն ի՞նչ ոլորտի մեջ է ներդրվելու:
«Եթե գները բարձրանալու են ու խեղճացնեն ծխող մարդուն, ապա սխալ է, ո՞ւր է գնալու գումար, գնալու է առողջապահական ծախսերին»,- եզրափակեց նա:
Young Musicians of the “Armenian Virtuosos” Program Perform in the COP17
A Birthday in Italy with Unibank
With Ucom’s Support, SunChild Brings Cinema and Environmental Conservation Together
“The people of Stepanavan will show through their votes that every attempt to deceive them with vide...
Ucom Highlights the Role of Technology in Nature Conservation at COP17
Book Published with Ucom’s Support Presented at COP17: “The Secret Path of Hovazadzor”
