«Առողջապահության կազմակերպիչների միավորում» ՀԿ-ն սատարում է Տարոն Մարգարյանին

Այսօր ՀՀ Առողջապահության ազգային ինստիտուտի նիստերի դահլիճում տեղի է ունեցել «Առողջապահության կազմակերպիչների միավորում» հասարակական կազմակերպության նիստը, որին ներկա էին հանրապետության առողջապահական համակարգի ներկայացուցիչներ, կազմակերպության համակիրներ, հասարակական-քաղաքական գործիչներ ու լրագրողներ:

«Առողջապահության կազմակերպիչների միավորում» հասարակական կազմակերպությունը, որն ունի շուրջ 20 000 անդամ, որոնց կեսը ներկայացնում են մայրաքաղաք Երևանը, ՀՀ առողջապահական ոլորտի ամենաներկայացուցչական կառույցն է, որտեղ ներգրավված են անվանի բժիշկներ, ոլորտի կազմակերպիչներ, գիտնականներ, ինչպես նաև երիտասարդ բուժաշխատողներ: Կազմակերպությունն իր ստեղծման առաջին իսկ օրից մասնակից է եղել նաև մեր երկրի առողջապահության ոլորտում տեղի ունեցող գործընթացներին, ինչպես նաև երկրի հասարակական կյանքին:

Նիստի բացման խոսքում կազմակերպության համանախագահ, բժշկական գիտությունների դոկտոր, պրոֆեսոր Դերենիկ Դումանյանը նախ ողջունեց ներկաներին, ապա, ներկայացնելով կազմակերպության անցած ճանապարհը, խոսեց այն մասին, որ, անկախ հասարակական բոլոր գործընթացներից, «Առողջապահության կազմակերպիչների միավորում» ՀԿ-ն բոլոր ժամանակներում նաև քաղաքական հարցերում է միշտ իր հստակ դիրքորոշումն ունեցել: Այս առումով Դումանյանը նշեց մայիսի 14-ին կայանալիք Երևան քաղաքի ավագանու ընտրությունների կարևորությունը ինչպես մայրաքաղաքի, այնպես էլ առողջապահական համակարգի հետագա զարգացման հարցում:

Միավորման համանախագահ, բժշկական գիտությունների դոկտոր, պրոֆեսոր Արա Մինասյանն իր խոսքում նույնպես կարևորեց կայանալիք ընտրություններին մեր քաղաքացիների ակտիվ մասնակցությունն ու ընդգծեց վերջին տարիներին գործող քաղաքային իշխանությունների մեծ ներդրումն ու աջակցությունը քաղաքային բուժծառայությունների զարգացման գործում. «Կան բազմաթիվ չլուծված հարցեր, որոնք բնորոշ են հատկապես մեծ քաղաքներին, ինչպիսին է մեր Երևանը: Տարոն Մարգարյանի ղեկավարման ընթացքում բազմաթիվ խնդիրներ են հաղթահարվել, մայրաքաղաքի վերելակային տնտեսություններն են բարեկարգվել, մայրաքաղաքային տրանսպորտն է զարգացել, և այս շարքում հատուկ պետք է նշեմ առողջապահական մի շարք լուծված խնդիրների մասին, որոնք հաղթահարվել են ներկայումս գործող քաղաքային իշխանությունների շնորհիվ»:

Արա Մինասյանը կիսվեց նաև իր այն դիտարկմամբ, ըստ որի՝ վերջին 5-6 տարիների ընթացքում Երևանի քաղաքապետարանը ընդգծված զբաղվում է քաղաքային առողջապահությամբ՝ սկսած շտապօգնության համակարգի բարելավումից մինչև պետպատվերի շրջանակներում արվող ստացիոնար, վիրահատական բուժօգնություն ու պոլիկլինիկաներում կազմակերպվող ամբուլատոր բուժումը. «Անձամբ քաղաքապետի վերահսկողությամբ յուրաքանչյուր օր մեր մայրաքաղաքի ու նաև շրջանների բնակիչները պետական պատվերի շրջանակներում ստանում են բուժօգնություն թե՛ պետական, թե՛ մասնավոր բուժհաստատություններում: Անելիքներն էլ են շատ: Օպտիմալացման ծրագրեր են նախատեսվում, խոսվում է Երևան քաղաքի բնակչության առողջապահական ապահովագրության մասին, որը ևս պետք է իր ուսերին վերցնի Երևանի քաղաքապետարանը, եթե, իհարկե, մենք կատարենք ճիշտ ընտրություն ու հնարավորություն տանք ներկայիս քաղաքային իշխանություններին շարունակելու իրենց արդյունավետ գործունեությունը»:

Միավորման համանախագահ, բժշկական գիտությունների դոկտոր, պրոֆեսոր Արա Մինասյանն իր խոսքում նույնպես կարևորեց կայանալիք ընտրություններին մեր քաղաքացիների ակտիվ մասնակցությունն ու ընդգծեց վերջին տարիներին գործող քաղաքային իշխանությունների մեծ ներդրումն ու աջակցությունը քաղաքային բուժծառայությունների զարգացման գործում. «Կան բազմաթիվ չլուծված հարցեր, որոնք բնորոշ են հատկապես մեծ քաղաքներին, ինչպիսին է մեր Երևանը: Տարոն Մարգարյանի ղեկավարման ընթացքում բազմաթիվ խնդիրներ են հաղթահարվել, մայրաքաղաքի վերելակային տնտեսություններն են բարեկարգվել, մայրաքաղաքային տրանսպորտն է զարգացել, և այս շարքում հատուկ պետք է նշեմ առողջապահական մի շարք լուծված խնդիրների մասին, որոնք հաղթահարվել են ներկայումս գործող քաղաքային իշխանությունների շնորհիվ»:

Արա Մինասյանը կիսվեց նաև իր այն դիտարկմամբ, ըստ որի՝ վերջին 5-6 տարիների ընթացքում Երևանի քաղաքապետարանը ընդգծված զբաղվում է քաղաքային առողջապահությամբ՝ սկսած շտապօգնության համակարգի բարելավումից մինչև պետպատվերի շրջանակներում արվող ստացիոնար, վիրահատական բուժօգնություն ու պոլիկլինիկաներում կազմակերպվող ամբուլատոր բուժումը. «Անձամբ քաղաքապետի վերահսկողությամբ յուրաքանչյուր օր մեր մայրաքաղաքի ու նաև շրջանների բնակիչները պետական պատվերի շրջանակներում ստանում են բուժօգնություն թե՛ պետական, թե՛ մասնավոր բուժհաստատություններում: Անելիքներն էլ են շատ: Օպտիմալացման ծրագրեր են նախատեսվում, խոսվում է Երևան քաղաքի բնակչության առողջապահական ապահովագրության մասին, որը ևս պետք է իր ուսերին վերցնի Երևանի քաղաքապետարանը, եթե, իհարկե, մենք կատարենք ճիշտ ընտրություն ու հնարավորություն տանք ներկայիս քաղաքային իշխանություններին շարունակելու իրենց արդյունավետ գործունեությունը»:

Իր խոսքում միավորման համանախագահ, բժշկական գիտությունների դոկտոր, պրոֆեսոր Արա Բաբլոյանը ևս ի մի բերեց անցած տարիներին առողջապահական համակարգում Երևանի քաղաքապետարանի կողմից իրականացված բազմաթիվ բարոփոխումների արդյունքները և նշեց. «Հայաստանի Հանրապետական կուսակցության՝ Տարոն Մարգարյանի գլխավորած ավագանու թիմն արդեն իսկ իր գործունեությամբ ապացուցել է, որ բավականին պրոֆեսիոնալ, փորձառու և բանիմաց է, ու այդ թիմն էլ հենց կապահովի Երևանի զարգացման շարունակականությունը, եթե մեզանից յուրաքանչյուրը կատարի ճիշտ ընտրություն»: Արա Բաբլոյանը անդրադարձավ նաև մեր երկրում ներառական հասարակություն կառուցելու քաղաքականությանն ու հատկապես ընդգծեց այս հարցում քաղաքապետարանի գործուն քայլերը Երևան քաղաքի Մալաթիա-Սեբաստիա համայնքի պոլիկլինիկայում վերականգնողական ծառայության ստեղծման ու թիվ 92 մանկապարտեզը ներառական դարձնելու գործում: Հիշեցնենք, որ 2015թ. սեպտեմբերից մայրաքաղաքի նախադպրոցական այս կրթօջախում ներդրվել է ներառական համակարգ: Ներկայումս մանկապարտեզի բոլոր խմբերը ներառական են, և հաշմանդամ երեխաները հավասար իրավունքներով ու պայմաններով իրենց հասակակիցների հետ հաճախում են նույն խմբերը:

Նիստի վերջում ներկաների համար հրապարակվեց «Առողջապահության կազմակերպիչների միավորում» ՀԿ-ի հայտարարությունը, որի մեջ մասնավորապես նշված է. «Հաշվի առնելով, որ ՀՀԿ-ն իր նախընտրական ծրագրում նախատեսել է առողջապահական համակարգի մեր ծրագրերին համահունչ բարեփոխումներ և առկա խնդիրների լուծման հստակ ճանապարհներ, ինչպես նաև առավել կարևորելով Երևան քաղաքի առանձնահատուկ դերը մեր երկրի զարգացման, առողջապահական ծրագրերի իրականացման հարցերում՝ 2017թ. մայիսի 14-ին Երևանի ավագանու ընտրություններին «Առողջապահության կազմակերպիչների միավորում» հասարակական կազմակերպությունը սատարում է Հայաստանի Հանրապետական կուսակցության կողմից ներկայացված ավագանու թեկնածուների կազմին՝ Տարոն Մարգարյանի գլխավորությամբ և իր բոլոր անդամներին ու համակիրներին կոչ է անում իրենց քվեն տալ նրանց օգտին»: