Վիկտոր Դալլաքյանը չի սիրում «ուրիշ» հարցերի պատասխանել և իր տարեդարձը նշել. «Փաստ»
«Փաստ» օրաթերթը գրում է.
«Փաստը» «Երրորդ հանրապետություն» կուսակցության նախագահ Վիկտոր Դալլաքյանից փորձեց պարզել, թե առաջիկա խորհրդարանական ընտրություններից ու «Օհանյան–Րաֆֆի–Օսկանյան» դաշինքից հրաժարվելուց հետո ներկայում ինչով է զբաղված: Հարցին ի պատասխան նա ասաց, որ այսօր իր ծննդյան տարեդարձն է և այսօր դրանով է զբաղվելու: Իսկ ընդհանրապես շարունակում է զբաղվել քաղաքականությամբ և իր գիտական գործունեությամբ: Ի դեպ, այս տարի նա դարձավ 59 տարեկան:
«Փաստի» հետ զրույցում Վ. Դալլաքյանը նշեց, որ իր ծննդյան օրը քաղաքական հարցերի պատասխանել չի ցանկանում, իսկ տարեդարձի օրը թեև չի սիրում նշել, բայց հիմնականում ընտանիքի անդամների հետ է անցկացնում, առանց հյուրերի: Հարցին, որ՝ եթե իր տարեդարձի օրը հյուր գա իրենց տուն, դուռը չեն բացի՞, Վ. Դալլաքյանը պատասխանեց:
«Չէ, ես չասացի, որ դուռը չենք բացի, պարզապես ռեստորաններում չեմ նշում, չգիտեմ՝ դուբայներ չեմ գնում և այլն»,– ասաց Վ. Դալլաքյանը:
Ճշտող հարցին՝ դուբայներ չի գնում զուտ ցանկության բացակայության, ֆինանսական հնարավորություններ չունենալու, թե դուբայների միջավայրն իր ճաշակով չլինելու պատճառով, Վ. Դալլաքյանը պատասխանեց:
«Ես կարծում եմ, որ մեր խոսակցությունն արդեն ավարտեցինք: Դուք արդեն ինձ ուրիշ հարցեր եք տալիս»:
Շարունակությունը` «Փաստ» օրաթերթի այսօրվա համարում:
Idram&IDBank’s Special Offer at Dalma Garden Mall
IDBank warns about scams disguised as remote work
Ucom’s Management Team Marks International Client’s Day with Subscribers
IDBank and Idram Continue Cooperation with the “ZARK” Educational Foundation
The Power of One Dram Joins the Final Phase of the Symphonic Forest Project
AraratBank Donates Proceeds from "Armenian Legends and Poems" to the City of Smile Foundation
Ameriabank named the Best Bank in Armenia for 2026 by Global Finance magazine
