7 ոսկե կանոն, որ կօգնեն կանխարգելել քաղցկեղը

Մասնագետների կարծիքով, ամենատարածված քաղցկեղի դեպքերի մոտ 1/3-ը հնարավոր կլինի կանխել առողջ սննդի, ֆիզիկական ակտիվության և առողջ քաշի պահպանման շնորհիվ:
Մասնագետները նշում են, որ գոյություն ունեն, մի քանի հասարակ քայլեր, որոնք կարելի է կիրառել այդ ռիսկերի նվազեցման համար:

Քաղցկեղի համաշխարհային հիմնադրամի կողմից կազմված նոր ուղեցույցում շարադրված են առօրյա փոփոխություններ, որոնք կարող են օգնել կանխել վտանգավոր հիվանդությունը:

1. Մասնագետները գտնում են, որ կանոնավոր ֆիզիկական ակտիվությունը` անգամ տուն մաքրելը, կնվազեցնի քաղցկեղի զարգացման հավանականությունը, քանի որ այն օգնում է պահպանել հորմոնների առողջ վիճակը: Հետազոտությունները ցույց են տալիս, որ կանոնավոր ֆիզիկական ակտիվությունը անմիջական դեր է խաղում քաղցկեղի որոշ տեսակների ՝ աղիքի և կրծքագեղձի քաղցկեղի կանխարգելման գործընթացում:

2. Ինչ որ թեթև բան ուտելու մեջ ոչ մի վատ բան չկա, եթե դուք ընտրում եք օգտակար տարբերակները: Օրական անհրաժեշտ կալորիաններից 100 կալորի ավել օգտագործումը կարող է հանգեցնել տարեկան 5 կգ քաշի ավելացման: Ավելորդ քաշը և ճարպակալումը կապված են քաղցկեղի 10 տեսակների, այդ թվում աղիքների, կրծքի և լյարդի քաղցկեղի հետ:

3. Մասնագետները խորհուրդ են տալիս սննդակարգից հանել սպիտակ հացը, մակարոնեղենը և բրինձը, դրանք փոխարինելով ամբողջական ցորենից պատրաստված՝ բջջանյութով հարուստ մթերքներով: Բջջանյութն օգնում է երկար ժամանակ հագեցվածություն զգալ, պահպանում է առողջ քաշը և նվազեցնում է ճարպակալման հետ կապված քաղցկեղի առաջացվան հավանականությունը:

4. Մասնագետները պնդում են, որ չափից շատ աղի օգտագործումը կարող է բարձրացնել արյան ճնշումը: Այն կարող է բարձրացնել նաև ստամոքսի քաղցկեղի զարգացման հավանականությունը, քանի որ, աղը վնասում է ստամոքսի լորձաթաղանթը:Մասնագետները խորհուրդ են տալիս, սննդին համ հաղորդելու համար, աստիճանաբար նվազեցնել օգտագործվող աղի քանակը, այն փոխարինելով համեմունքներով, սխտորով և լիմոնով:

5. Գոյություն ունեն համոզիչ ապացույցներ այն մասին, որ կարմիր մսի օգտագործումը մեծացնում է աղիքային քաղցկեղի զարգացման հավանականությունը: Պատճառներից մեկը կայանում է նրանում, որ կարմիր մսի մեջ առկա միացությունները, որոնք նրան հաղորդում են գույն, համ կարող են վնասել աղիքները: Բազմիցս ապացուցվել է նաև, որ մշակված միսը (օրինակ, խոզապուխտն ու բեկոնը) հանդիսանում են աղիքային քաղցկեղի առաջացման պատճառ: Երբ միսը ենթարկվում է մշակման, նրա մեջ առաջանում են թունավոր նյութեր: Այդ նյութերը վնասում են օրգանիզմի բջիջներին, ինչն էլ հանգեցնում է քաղցկեղի առաջացման:

6. Օրական ընդամենը 30 րոպեանոց ֆիզիկական ակտիվությունը կարող է զգալիորեն կրճատել քաղցկեղի առաջացման հավանականությունը: Ֆիզիկական ակտիվությունը օգնում է պահպանել ինչպես կառուցվածքը, այնպես էլ իմունային և մարսողական համակարգի գործուն վիճակը: Աշխատեք օգտագործել հնարավոր բոլոր միջոցները, օրգանիզմի ակտիվությունը պահպանելու համար:

7. Փորձեք փոխարինել նստակյաց գործունեության տեսակներից մեկն՝ ինչպես օրինակ հեռուստացույց դիտելը, ակտիվ զբոսանքով: Այն ձեզ հնարավորություն կտա ունենալ օրական ամենաքիչը 30 րոպեանոց ֆիզիկական ակտիվություն: