Պարզաբանում են՝ փոխանակ ժամանակին պատասխանեին ընդամենը երկու հարցի. «Փաստ»
«Փաստ» օրաթերթը գրում է.
Շաբաթ օրը «Փաստ» օրաթերթն անդրադարձել էր «Աստղիկ» բժշկական կենտրոնում գործող գներին: Ի մասնավորի, գրել էինք. «Օրերս խմբագրություն դիմած քաղաքացիները դժգոհում էին, որ ՀՀ ԱԺ պատգամավոր Սամվել Ալեքսանյանին պատկանող «Աստղիկ» բժշկական կենտրոնում բարձրացել են ծառայությունների գները: Այն էլ՝ մոտ 20 տոկոսով»:
Ի պատասխան հրապարակման, «Աստղիկ» բկ–ն հանդես է եկել, ի պատիվ իրենց, ոչ թե հերքմամբ, այլ պարզաբանմամբ: Մասնավորաբար նշվում է, որ ««Աստղիկ» բկ–ում գնային փոփոխություններ եղել են ավելի քան երեք ամիս առաջ և որևէ առնչություն չունեն նյութում նշված պատճառների հետ: Գնային փոփոխություններ կլինիկայում լինում են ժամանակ առ ժամանակ, դրանք կարող են բարձրանալ կամ իջնել (օրինակ, վերջերս կենտրոնում իջեցվեցին սրտի վիրահատությունների գները) և հիմնականում կախված են շուկայական փոփոխությունների և առողջապահական ոլորտի զարգացումների հետ, քանի որ ցանկացած զարգացում ենթադրում է ոլորտի նորարարությունների ներդրում, ինչն էլ, բնականաբար, ծախսեր է պահանջում: Այնուամենայնիվ, «Աստղիկ» բկ–ն հնարավորինս պահում է ՀՀ առողջապահական ոլորտի սպասարկման միջին գները` հաշվի առնելով բնակչության վճարունակությունը, և, իհարկե, գին–որակ համադրությունը, քանի որ Աստղիկ բկ դիմած հաճախորդներին, որպես կանոն, առաջարկվում է սպասարկման լավագույն որակը` լավագույն սարքավորումներով և լավագույն մասնագետների կողմից, դա է պատճառը, որ այսօր «Աստղիկ» բկ–ն միակն է ՀՀ առողջապահական ոլորտում, որ ստացել է ISO որակավորում միջազգային TUV ընկերության կողմից և ձգտում է ստանալ JCI որակավորում»:
Այսպես ասենք. չհավատալու որևէ պատճառ չունենք: Ուղղակի մի քանի դիտարկում: Նախ, փաստենք, որ բժշկական կենտրոնը հաստատում է գների բարձրացումը: Երկրորդ՝ հոդվածում գների բարձրացման որևէ ժամկետ նշված չէ, ավելին՝ նշված չէ նաև որևէ պատճառ (առավել ևս՝ պատճառներ): Ընդհակառակը, մեջբերելով մեզ դիմած քաղաքացիներից մեկի կեսկատակ–կեսլուրջ խոսքերը, թե՝ «Էս էլ հեղափոխության օգուտը. սրանց բերեցին օրինական դաշտ, հիմա էդ քսան տոկոսներն էլ մեր ջանից են հանում», հատուկ շեշտել ենք, որ թանկացումը չի կարող այդ պատճառով լինել. «Պարզվում է, որ բուժհաստատությունները ԱԱՀ–ով չեն հարկվում, ինչի մասին են վկայում նաև նշյալ կենտրոնի կողմից տրված կտրոնները, ուր ԱԱՀ տողում գրված է 0»: Միևնույն ժամանակ նշել ենք, որ թանկացումների պատճառները շատ ավելի խորքային են: Թե ինչն են բժշկական կենտրոնում գնահատել որպես «նշված պատճառներ», կամ ինչ են հասկացել գրվածից, թողնում ենք ընթերցողի երևակայությանը: Եթե իրենց իսկ նշած՝ «ոլորտի նորարարությունների ներդրում»–ը կենտրոնում խորքային պատճառ չեն գնահատում, արդեն մտորելու տեղիք է տալիս: Երևի թե որևէ նյութի արձագանքելիս հարկ է, որ առավել մանրամասն և ուշադիր ընթերցեն, այլ ոչ ֆեյսբուքյան մի շարք օգտատերերի պես, երբ միայն վերնագրից կամ առավելագույնը մի երկու տողից եզրակացություններ են անում:
Հիմա ավելի կարևորի մասին: Բժշկական կենտրոնը մեր նյութին արձագանքել է թերթի լույս տեսնելուց բառացիորեն երկու–երեք ժամ անց, շաբաթ օրով: Հրաշալի օպերատիվություն է: Հիմա մեջբերենք մեր հրապարակած նյութի վերջաբանը. «Թե ինչու են բարձրացել գները, փորձեցինք պատասխան ստանալ «Աստղիկ» բժշկական կենտրոնից: Մի կերպ գտան մեկին, ով կարող է պատասխանել, վերջինս խնդրեց գրավոր ուղարկել հարցը, ուղարկեցինք: Անցել է մի քանի օր, իսկ պատասխան չկա: Երևի դժվար է պատասխանել՝ իրոք գները բարձրացե՞լ են, թե՞ ոչ: Կարծում ենք՝ ավելի դժվար է պատասխանել երկրորդ հարցին՝ ինչո՞ւ են բարձրացել»: Հիմա, եթե հնարավոր է 2–3 ժամում արձագանքել հրապարակմանը, ի՞նչն էր խանգարում մեր ուղարկած գրավոր երկու հարցին պատասխանել 4–5 օրվա ընթացքում: Ի վերջո, դարձյալ նույն մի քանի տողն էին գրելու, որն անփոփոխ տեղ էր գտնելու հրապարակման մեջ: Մենք ընդամենը հարցրել էինք՝ ճի՞շտ է, որ թանկացումներ են եղել, և, եթե այո, ինչի՞ հետ են կապված այդ թանկացումները: Եվ վերջ: Կարծում ենք՝ լուրջ վերլուծությունների և ուսումնասիրությունների կարիք չուներ այս երկու հարցի պատասխանը: Իսկ օպերատիվ պատասխանելն այս պարագայում կենտրոնի շահերից էր բխում, սակայն ստացվեց, որ լրատվամիջոցն ավելի շահագրգռված էր իրենց պատասխանով հրապարակել նյութը, քան հենց իրենք: Ինչևէ, մենք անկեղծ ուրախ կլինենք, եթե կենտրոնի պարզաբանման մեջ նշված ինքնագովեստները բացարձակ իրականություն լինեն: ինչ վերաբերում է գին–որակ համադրությանը, դա արդեն առանձին թեմա է, դրա մասին կենտրոնից օգտվողները պետք է ասեն…
Շարունակությունը՝ «Փաստ» օրաթերթի այսօրվա համարում
Mher Ananyan joins Unibank's Management Board
Moody’s changes the outlook on IDBank’s ratings to positive
Ucom Supports the Launch of "Remember the Animals" Educational Game
"Urgently Confirm Your Card Details": IDBank Warns of Hotel Booking Scams
Ucom Expands International Roaming Capabilities
Results of the Junius Tournament Announced: The Next Round Ahead
Customer Appreciation Day - This Time at IDBank’s “Erebuni” Branch
Ucom and Microsoft Innovation Center’s Cybersecurity Education Program Concludes with a Mini CTF Com...
"The Power of One Dram" to "Orran" Charitable Non-Governmental Organization
