Տնտեսական ակտիվության տարեկան աճը Հայաստանում 0,5%. «Փաստ»

«Փաստ» օրաթերթը գրում է.

2016–ին Հայաստանի տնտեսական ակտիվության տարեկան ցուցանիշը նախորդ տարվա նույն ժամանակահատվածի համեմատ աճել է 0,5%–ով: Այս մասին տեղեկանում ենք ազգային վիճակագրական ծառայության հրապարակումից:
Հիշեցնենք, որ 2016–ի հունվարին նախորդ տարվա հունվարի համեմատ տնտեսական ակտիվության աճը կազմել էր 5%, հունվար–փետրվարին 2015–ի հունվար–փետրվարի համեմատ՝ 4,7%, հունվար–մարտին 2015–ի հունվար–մարտի համեմատ՝ 5,5%, հունվար–ապրիլին նախորդ տարվա հունվար–ապրիլի համեմատ՝ 6%, հունվար–մայիսին նախորդ տարվա հունվար–մայիսի համեմատ՝ 5,5%, հունվար–հունիսին նախորդ տարվա հունվար–հունիսի համեմատ՝ 4,8%, հունվար–հուլիսին նախորդ տարվա հունվար–հուլիսի համեմատ՝ 3%, հունվար–օգոստոսին նախորդ տարվա հունվար–օգոստոսի համեմատ՝ 2,4%, հունվար–սեպտեմբերին նախորդ հունվար–սեպտեմբերի համեմատ՝ 1,6% և հունվար–հոկտեմբերին նախորդ տարվա հունվար–հոկտեմբերի համեմատ՝ 0,4%, հունվար–նոյեմբերին նախորդ տարվա հունվար–նոյեմբերի համեմատ՝ 0,6% աճ:
Աճ արդյունաբերությունում, ծառայություններում և առևտրում, անկում՝ շինարարությունում և գյուղատնտեսությունում 2016–ի հունվար–դեկտեմբերին Հայաստանի տնտեսական ակտիվության ցուցանիշը նախորդ տարվա նույն ժամանակահատվածի համեմատ աճել է 0,5%–ով:
Աճ է արձանագրվել արդյունաբերությունում և ծառայությունների ոլորտում: Մասնավորապես, արդյունաբերական արտադրանքի ծավալն ավելացել է 6,7%–ով, ծառայություններինը՝ 7,1%–ով, առևտրի շրջանառությունը՝ 1%–ով: Անկում է արձանագրվել գյուղատնտեսությունում՝ 5,2%–ով և շինարարությունում՝ 10,8%–ով:
Գումարային առումով ամենամեծ ծավալներն ունեն առևտուրը, արդյունաբերությունը և ծառայությունները
Ազգային վիճակագրական ծառայության հրապարակած տվյալներով, 2016 թ.–ին Հայաստանում 0,5% տնտեսական ակտիվության աճի պարագայում արդյունաբերության արտադրանքի ծավալներն աճել են 6,7%–ով, ծառայություններինը՝ 7,1%–ով, առևտրինը՝ 1%–ով: Անկում է արձանագրվել գյուղատնտեսությունում՝ 5,2%–ով, շինարարությունում՝ 10,8%–ով:
Գումարային առումով ամենաբարձրը առևտրի շրջանառությունն է` 2 տրլն 233 մլրդ դրամ, ապա արդյունաբերության արտադրանքի ծավալը` 1 տրլն 429 մլրդ դրամ, երրորդը`ծառայությունների ծավալը` 1 տրլն 265 մլրդ դրամ:
Արտահանման 20% աճ 2016–ին
Ինչպես տեղեկանում ենք ազգային վիճակագրական ծառայության հրապարակումներից, արտաքին առևտրաշրջանառությունը 2016–ի հունվար–դեկտեմբերին 2015–ի հունվար–դեկտեմբերի նկատմամբ աճել է 7,4%–ով և կազմել 5 մլրդ 75 մլն դոլար։
Արտահանումը կազմել է 1 մլրդ 782 մլն դոլար, աճելով 20%–ով, ներմուծումը կազմել է 3 մլրդ 292 մլն դոլար, աճելով 1,6%–ով։ Արտաքին առևտրի բացասական հաշվեկշիռը կազմել է 1 մլրդ 510 մլն դոլար:
Միջին աշխատավարձը Հայաստանում՝ 187 հազար դրամ
Միջին ամսական աշխատավարձը Հայաստանում, ազգային վիճակագրական ծառայության հրապարակած ցուցանիշների համաձայն, 2016–ի տարեկան արդյունքներով, բարձրացել է 1,7%–ով և կազմել 187 հազար 850 դրամ, մասնավոր հատվածում` 221 հազար 850 դրամ, աճելով 4,6%–ով, պետականում` 161 հազար 872 դրամ, նվազելով 1,8%–ով։ Տեղեկացնենք, որ միջին աշխատավարձի ցուցանիշի մեջ ներառված է եկամտային հարկը:

Շարունակությունը` «Փաստ» օրաթերթի այսօրվա համարում: