Գլխավոր Թոփ լուրեր Լրահոս Վիդեո Թրենդ
IDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership“The Golden Hour”: IDBank explains how to respond effectively to a scam attackNelli Kocharyan Presents Converse Bank’s Vision for Development of International Relations at the BACEE Conference
Politics

«Փորձում է «շպագատ» իջնել, բայց չի կարողանալու, իսկ արդյունքում միակ տուժողը մեր ժողովուրդն է լինելու». «Փաստ»

«Փաստ» օրաթերթը գրում է.

 Սահմանադրության փոփոխություն, Եկեղեցու և Վեհափառի դեմ հերթական հարձակումներ, տարաբնույթ այցեր եվրոպական երկրներ և աջակցության փնտրտուք։ Այսպիսին է իշխանությունների չփոփոխվող առօրյան։ «Այս մարդու առաջ խնդիր կա դրած, նա կատարում է թուրք-ադրբեջանական տանդեմի բոլոր պայմանները։ Առաջնային մանդատով Ադրբեջանն է հանդես գալիս։ Քանի որ Թուրքիան և Ադրբեջանը «երկու պետություն, մեկ ազգ» սկզբունքով են առաջնորդվում, ամեն հարցում Թուրքիան ունի իր ստրատեգիական կարգավիճակը, բայց չի կարող բացահայտորեն պաշտպանել ադրբեջանական շահերը, որովհետև ՆԱՏՕ-ի անդամ է, հավակնություններ ունի ԵՄ-ի հետ կապված, հարաբերություններ ունի ԱՄՆ-ի և ՌԴ-ի հետ։ Այսինքն, իր աշխարհաքաղաքական շահերը հաշվի առնելով՝ փորձում է, այսպես ասած, «երկրորդ ջութակով» հանդես գալ։ Միևնույն ժամանակ ամեն հարմար պահի գործում է «я своё мужское слово скажу» բանաձևը»,-«Փաստի» հետ զրույցում ասում է քաղաքագետ Արմեն Հովասափյանը։

Վերջին շաբաթներին Նիկոլ Փաշինյանի արտասահմանյան այցերը հաջորդում են մեկը մյուսին։ Քաղաքագետի կարծիքով, վերջինս իմիտացիա է ստեղծում, թե անընդհատ շարժի մեջ է։ «Մեր շուրջն էլ կան, չէ՞, մարդիկ, որոնք ոչ մի տեղ չեն աշխատում, բայց ամբողջ օրը շարժի մեջ են։ Մեկ-մեկ ինքս ինձ հարց եմ տալիս, թե ո՞ւր է անընդհատ այս մարդը գնում, ինչի՞ համար։ Գուցե ուղղակի բյուջեն է ծախսում։ Նա իր քայլերով փորձում է հասարակությանը ցույց տալ՝ մեկ շաբաթվա մեջ ամբողջ աշխարհը պտտվել եմ, էլ ի՞նչ եք ուզում։ Այո՛, գնում է տարբեր երկրներ, այո՛, տեղի են ունենում արարողակարգային հանդիպումներ։ Երբ պաշտոնյան մեկնում է մի երկիր, բնականաբար, նրան ըստ պատշաճի դիմավորում են, հարգում, պատվում, ճանապարհում։ Իսկ ի՞նչ ենք տեսնում, երբ նյութականացնում ենք այս այցերը։ Մի պարզ հարց ունեմ՝ Պնոմպեն և Դուբլին կատարած աշխատանքային այցերն ի՞նչ են տվել Հայաստանի Հանրապետությանը։ Հազարավոր կիլոմետրեր, միլիոնավոր դրամների ծախսեր, իսկ արդյունքում թեկուզ ինչ-որ գաղափար, նորություն բերե՞լ է Հայաստան։ Իր բոլոր գործողություններով նա մեկ նպատակ ունի՝ իր շուրջ գեներացնել արհեստական օրակարգ։ Կարևորն իր մասին խոսեն, անգամ էական չէ, թե ինչ խոսեն։ Նա դրանից հաճույք է ստանում։ Գուցե պետք է առհասարակ անտեսել այս մարդուն, հասկանում եմ, որ սա էլ շատ կտրուկ քայլ է, բայց պետք է կանգնեցնել այս հանրային տիրաժավորման ալիքը։ Երբեմն տպավորություն է, որ լիարժեքորեն չենք գիտակցում, թե նա մեզ էլ ինչ նոր փորձանքների է տանելու։ Հասցնելու է կրիտիկական կետերի, բախումների, հանրային խժդժությունների, անկարգությունների, նա բոլորին կձերբակալի, կկալանավորի։ Նա «կանաչ լույս» ունի։ Իրեն ասում են՝ խոստացել ես ընտրվելուց հետո այս ու այս քայլերն անել, հիմա պետք է անես։ Ի վերջո, Եվրոպայից միլիոնավոր դոլարներ են հոսել Հայաստան։ Իրեն հարցեր են ուղղելու՝ գումարները տվեցինք, իսկ դու ի՞նչ ես արել։ Քարերը հավաքելու ժամանակն է եկել։ Իրեն, հավանաբար, ասում են՝ գումարը տվել ենք, որ ռուսամետներին բռնես, Ռուսաստանի հետ կապերդ խզես, ռուսական ռազմաբազան Հայաստանից հանես, ԵԱՏՄ-ից դուրս գաս, ատոմակայանը փակես։ Նա պետք է այս խնդիրները լուծի, որպես քաղաքական «ֆիգուր»՝ նրան դրա համար են ստեղծել»,-նկատում է մեր զրուցակիցը։

Բայց մյուս կողմից՝ նա դեպի Ռուսաստան ռևերանսներ է անում, ամեն դեպքում ցանկանում է պահպանել Ռուսաստանի հետ գործընկերությունը, քանի որ գուցե ունի մտավախություններ սոցիալական անհնազանդության մասով։ «Տպավորություն է, որ Ռուսաստանի հարցում նա ունի անձի երկվություն։ Նա գիտի, որ հստակ խնդիր ունի լուծելու, բայց երբ հասնում է Ռուսաստան, չի կարողանում լիարժեքորեն ասել այն, ինչ կա իր մտքին։ Մյուս կողմից՝ Ռուսաստանը նրա առջև հստակ հարցեր է դնում, ասում է՝ կողմնորոշվիր։ Լուրջ պետությունների հետ շփումներում քայլերդ պետք է հստակ լինեն։ Փորձում է «շպագատ» իջնել, բայց չի կարողանալու։ Իսկ այս ամենից առաջին ու միակ տուժողը մեր ժողովուրդն է լինելու։ Հայտնի հակառուս Արամ Սարգսյանն օրերս ասել էր՝ ավելի լավ է գազ չլինի, ցուրտ լինի, սոված լինենք, ատոմակայանը փակվի, բայց Ռուսաստանից հեռու լինենք։ Մեր ընդդիմադիր հատվածին եմ ուզում դիմել։ Եկել է ժամանակը, որ բոլորը պետք է բաց ու պարզ խաղան, իրենց ասելիքն ասեն ուղիղ, առանց այլևայլության։ Բազմաթիվ մարդիկ իրենց գաղափարներով արևմտամետ են։ Մեկը սիրում է Եվրոպան, մյուսը՝ Ամերիկան, երրորդն էլ՝ Կանադան։ Գուցե մյուս հատվածն էլ պետք է ասի, որ ռուսամետ է։ Ի՞նչ խնդիր կա դրա մեջ։ Մյուս կողմից էլ՝ հասկանում եմ, որ նրանց կարող են հակադարձել միութենական պետության մասին սին զրույցներով։ Քանի առիթ է, ասեմ, որ միութենական պետության գաղափարը երբևիցե հայ իրականության պատմության մեջ դիսկուրսի առարկա չի դարձել։ Վերջին 20-ամյակի մեջ նման դիսկուրս չեմ լսել։ Նկատի ունեմ լուրջ քաղաքական քննարկումները։ Իշխանությունները ձգտում են դեպի Արևմուտք, խոսում են արևմտամետության մասին և «մոռանում» են հիշատակել, որ Արևմուտքը մեր տարածաշրջանում ներկայացված է Թուրքիայով։ Մեր տարածաշրջանում Արևմուտքի «տեսուչը» Թուրքիան է։ Մեր բոլոր հարցերը կարգավորվելու են Թուրքիայի միջոցով»։

Հովասափյանն այս համատեքստում ուշադրություն է հրավիրում նաև Իրանի նախկին ԱԳ նախարար Ալի Վելայեթիի վերջին հրապարակման վրա։ «Նա հատուկ շեշտում էր Թուրքմենչայի պայմանագիրը։ Ռուս-պարսկական սահմանը պայմանական Արաքս գետն է։ Իրանցիների համար Արաքսը համարվում է Ռուսաստանի հետ, կրկին պայմանական եմ ասում, սահման, եզրագիծ։ Դրա ամեն կողմում նրանցից մեկի ազդեցության գոտին է։ Հիմա Ռուսաստանին փորձում են դուրս թողնել այստեղից։ Վելայեթին շատ պարզ գրել էր՝ այդ դեպքում մենք կլցնենք այդ վակուումը մինչև Դերբենդ (Դաղստան)։ Դերբենդը միշտ համարվել է Հյուսիսային սահմանադուռ։ Ալի Վելայեթին ազատ մարդ է, որևէ ձևով կաղապարված չէ։ Բայց նա վերջին մարդը չէ Իրանում։ Պետությունն իր խոսքն ասում է Վելայեթիի բերանով»։

Բայց Սահմանադրության փոփոխության հարցում գոնե Նիկոլ Փաշինյանն արժանանում է ընդդիմության և հասարակության դիմադրությանը։ «Նա փակուղու առաջ է, կազուսային իրավիճակ է։ Դրսից պարտադրում են փոխել Սահմանադրությունը, ժամկետները «սեղմում» են, իրեն ասում են՝ արագացրու, որ տեսնենք, թե ինչ է լինում։ Անգամ կասկածներ ունեմ, որ նա Սահմանադրության փոփոխության հարցը չի ուզում դնել քվեարկության կամ բերել հանրային դաշտ։ Փաշինյանը հասկանում է, որ այս հարցում նա պարտվել է։ Նա քաղաքական հոտառություն ունի, որն իրեն հուշում է այդ մասին։ Հասկանալով, որ դա այս պահին գրեթե անիրականանալի մի բան է, այնուամենայնիվ, մտնում է Սահմանադրության փոփոխության դաշտ, քանի որ «տերերն» են պահանջել՝ թե՛ Եվրոպայից, թե՛ Թուրքիայից ու Ադրբեջանից։ Իր առաջ կոնկրետ խնդիր է դրված։ Սահմանադրության հարցից հետո լինելու է ԵԱՏՄից դուրս գալու թեման, եթե մինչ այդ Հայաստանին դուրս չթողնեն տնտեսական այդ կառույցից։ Մյուս կողմից՝ ԱԺ ընդդիմադիր խմբակցություններն իրենց մանդատակիր անձանց մասով ունեն վստահություն, որ իշխանությունը չի կարողանա ստանալ նրանց համաձայնությունը»,-եզրափակում է Արմեն Հովասափյանը։

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում