Երվանդ Բոզոյան. «Այս խորհրդարանական ընտրությունները կլինեն ապագա փոփոխությունների առաջին քայլը». «Փաստ»
«Փաստ» օրաթերթը գրում է.
Անցնող տարում կատարված քաղաքական փոփոխությունների և առաջիկա խորհրդարանական ընտրությունների զարգացումների վերաբերյալ «Փաստը» զրուցեց քաղաքագետ Երվանդ Բոզոյանի հետ:
– Արդեն ավարտվող տարում քաղաքական տեսանկյունից ի՞նչ ձեռքբերումներ կամ հաղթանակներ ունեցանք, եթե գտնում եք, որ այդպիսիք առհասարակ եղել են:
– Ցավոք սրտի, հաղթանակներ կամ ձեռքբերումներ ես չեմ տեսել: Ճիշտ հակառակը՝ ամեն տարի ինչ–որ մի կորուստ ենք ունենում, ինչ–որ մի պրոցես է լինում, որը մեզ հիասթափեցնում է և հանրության մեջ խորացնում հոռետեսական տրամադրությունները: Այս տարվա մեջ այդ պրոցեսը կապված էր ապրիլյան պատերազմի և ՊՊԾ գնդի գրավման հետ: Երկուսն էլ ցնցեցին մեր հասարակությանը: Եթե առաջինը մեծ ազդեցություն թողեց այն առումով, որ մարդիկ ռեալ հասկացան, որ մեծ պատերազմը կարող է ամեն վայրկյան բռնկվել, ապա երկրորդն այն էր, որ առաջին անգամ վերջին 20–25 տարիների ընթացքում փորձ արվեց բռնի ուժով իշխանության դեմ ինչ–որ գործողություն անել:
– 2016 թ. Նշանակվեց նոր վարչապետ, ձևավորվեց նոր կառավարություն, որն արդեն 100–օրյա գործունեություն ունի: Ի՞նչ փոխեց նոր կառավարությունը մեր իրականության մեջ և ի՞նչ կարելի է ակնկալել առաջիկա մի քանի ամիսների համար, մինչև նոր կառավարության ձևավորում:
– Նոր վարչապետի նշանակումը որոշակի սպասումներ առաջացրեց հանրության մոտ, որովհետև նա վարկաբեկված անձնավորություն չի: Մասնակի փոփոխություններ տնտեսական դաշտում եղան, բայց մարդիկ ուզում են ավելի գլոբալ փոփոխություններ, նկատի ունեմ նաև քաղաքական պրոցեսի, կադրերի և սկզբունքների փոփոխություն: Վարչապետը դեռ տնտեսական գործիչ է, նա տնտեսական ոլորտում է որոշակի փոփոխություններ ուզում անել: Այլ հարց է, թե որքանով դա նրան կհաջողվի, որովհետև առանց վերը նշված գործոնների՝ տնտեսության մեջ ռադիկալ փոփոխությունները հնարավոր չեն լինի:
– 2017 թ. Ազգային ժողովի հերթական ընտրությունները կլինեն: Մամուլում ամեն օր լուրեր են շրջանառվում, թե որ կուսակցությունը ինչ թեկնածուներ է պատրաստվում ներկայացնել իր ռեյտինգային ցուցակում: Նոր դեմքերը ԱԺ–ում կարո՞ղ են եղանակ փոխել, թե՞ կլինի պարզունակ տեղափոխություն, և ի վերջո, այդ նոր դեմքերն էլ կսկսեն կոճակ սեղմողի համբավին հավակնել:
– Հայաստանում որպեսզի փոփոխություն լինի պետք է վերնախավերի փոփոխություն լինի, որովհետև հին վերնախավերով այլևս հնարավոր չէ որևէ լուրջ բան անել: Մարդիկ չեն հավատում ո՛չ իշխանությանը, ո՛չ էլ որևէ ուժի, որը իշխանությունը փոխելու հայտ է ներկայացնում: Դրա համար անհրաժեշտ է նոր դեմքերի քաղաքական գեներացիա: Նույն Կարեն Կարապետյանը հին կադր է, բայց որպես վարչապետ ինքը նորովի էր և սպասում առաջացրեց: Նույնը կարելի է ասել նախկին պաշտպանության նախարար Սեյրան Օհանյանի մասին: Այդպիսի քայլերը դրական կազդեն երկրում փոփոխության վրա, որովհետև մարդիկ նոր դեմքերի կարիք ունեն՝ իրենց գործողությունների իմաստով նոր:
– Պատգամավորների մեծ մասը շատ բացակայություններ ունի, օրենսդրական նախաձեռնություններով հանդես չի գալիս: Ե՞րբ և ո՞ր դեպքում Հայաստանի ԱԺ–ում կհաստատվի խորհրդարանին հարիր քաղաքական միջավայր:
– Երբ Ազգային ժողովի դերը մեծանա: Կարծում եմ, որ 2017 թ. հետո իրավիճակը կփոխվի: Դառնալով խորհրդարանական համակարգ, այլևս խորհրդարանում են որոշվելու բոլոր հարցերը: Խորհրդարանից դուրս այլ պետական կառույց չի լինի, որ կարողանա կառավարել երկիրը: Խորհրդարանն է ձևավորելու կառավարման ամբողջ վերնախավին: Այլ խնդիր է, թե այդ խորհրդարանում ովքեր կհայտնվեն և կկարողանան արդյոք որակյալ դեր կատարել:
Շարունակությունը` «Փաստ» օրաթերթի այսօրվա համարում:
Idram&IDBank’s Special Offer at Dalma Garden Mall
IDBank warns about scams disguised as remote work
Ucom’s Management Team Marks International Client’s Day with Subscribers
IDBank and Idram Continue Cooperation with the “ZARK” Educational Foundation
The Power of One Dram Joins the Final Phase of the Symphonic Forest Project
AraratBank Donates Proceeds from "Armenian Legends and Poems" to the City of Smile Foundation
Ameriabank named the Best Bank in Armenia for 2026 by Global Finance magazine
