Էջմիածնում վարկերի «տակ ընկած» հայրը տկլոր հետապնդել ու բռնել է տվել փողերը թռցրած որդուն
Արմավիրի մարզի ընդհանուր իրավասության դատարանում Արթուր Ադամյանի նախագահությամբ ավարտվել է Նվեր Հ.-ի (անունը փոխված է) գործի դատական քննությունը:
24-ամյա Նվերին մեղադրանք էր առաջադրվել բացահայտ հափշտակության՝ կողոպուտի համար՝ ՀՀ քրեական օրենսգրքի 176 հոդվածի 3-րդ մասի 1-ին կետով:
Գործով տուժողը Նվերի… հայրն էր՝ Հենրիկ Հ.-ն (անունը փոխված է):
Նախաքննության ժամանակ հաստատվել է, որ Հենրիկ Հ.-ն կնոջ ու որդու՝ Նվերի հետ բնակվել է մարզի գյուղերից մեկում: Հենրիկն ու կինը զբաղվել են հողագործությամբ, իսկ նրանց որդին՝ Նվերը, չի աշխատել, տարվել է… խաղամոլությամբ…
2014 թվականին Հենրիկը առուծախի պայմանագրերով ձեռք է բերել 2 հողամաս, որոնք սեփականության իրավունքով գրանցել է իր անունով: Թեև հողամասերի սեփականության իրավունքը այդ ժամանակ է գրանցվել, սակայն հողամասերը նա փաստացի մշակել է 2001 թվականից, իր միջոցներով հիմնել է խաղողի ու սերկևիլի այգիներ: Դրանց մշակությամբ զբաղվել է անձամբ Հենրիկը:
2016 թվականի օգոստոսին Հենրիկը հողամաս է վաճառել, վաճառել է նաև այդ տարվա բերքը և ստացել է 15 հազար դոլար:
Գումարը Հենրիկը պահել է իր հողամասերից մեկում՝ ապակե տարայի մեջ, քանի որ որդին՝ Նվերը, խաղամոլ էր, ու հայրը մտավախություն ուներ, որ նա գումարը կգտնի ու տանուլ կտա:
15 հազար դոլարից 2100 դոլարը Հենրիկը դարձրել է դրամ, այդ գումարի մի մասը ծախսել է գյուղատնտեսական կարիքների համար, մոտը մնացել է 360 հազար դրամ և 12 հազար 900 դոլար:
Այդ գումարը Հենրիկը 2017 թվականի հունիսի 1-ին՝ Երեխաների պաշտպանության օրը, թաքցրած տեղից վերցրել, դրել է սպորտային տաբատի գրպանը ու բերել է տուն:
Ժամը 23-ի սահմաններում Հենրիկը սպորտային տաբատը հագին մտել է լոգասենյակ՝ լոգանք ընդունելու: Նա հանել է տաբատը, դրել է զուգարանակոնքի վրա ու մտել է լողանալու:
Որդին՝ Նվերը, արդեն իսկ նկատել էր, որ հոր տաբատի գրպաններում գումար կա: Հենց որ հայրը սկսել է լողանալ, Նվերը լոգասենյակի չփակված դուռը բացել, ներս է մտել, լողացող հոր ներկայությամբ զուգարանակոնքի վրայից վերցրել է հոր սպորտային տաբատը՝ գրպաններում հիշյալ գումարները, բացահայտ հափշտակել է ու վազելով դուրս է եկել լոգասենյակից:
Հենրիկը տեսնելով դա՝ վազել է որդու հետևից, դուրս է եկել բակ: Բայց նա բակում մթության պատճառով չի նկատել լվացքի պարանը, դիպել է դրան, վայր է ընկել ու վնասվածքներ է ստացել: Իսկ Նվերը, հոր տաբատը ձեռքին, ցատկել է պարսպի վրայով ու փախել է՝ հափշտակելով 6 միլիոն 554 հազար 838 դրամին համարժեք գումարը՝ 360 հազար դրամ ու 12 հազար 900 դոլար:
Առաջադրված մեղադրանքում Նվեր Հ.-ն իրեն լիովին մեղավոր է ճանաչել: Նա հայտնել է, որ ինքը խաղամոլ է, որևէ տեղ չի աշխատել, մշտապես ծնողներն են իրեն փող տվել:
Դեպքի օրը ինքը, իրոք, տեղյակ լինելով, որ հոր տաբատի գրպաններում գումար կա, չփակված դռնով մտել է լոգասենյակ ու բացահայտ հափշտակել է հոր տաբատը: Ինքը մտադիր էր մեկնել արտասահման, դրա համար էր իրեն գումար պետք:
Նվերը հայտնել է, որ հայրը հիշյալ հողամասերի վրա այգիներ է հիմնել, երբ ինքը դեռ ութ տարեկան էր: Այգու մշակությամբ զբաղվել է հայրը: 2016 թվականին ինքը այգիներում չի աշխատել, ստացված բերքի ու հողամասերի վաճառքից հայրը իրեն ոչինչ չի խոստացել:
Նվերն ընդունել է, որ հողամասերն ու դրանց վրա հիմնված այգիները հոր կապիտալն էին, ոչ թե իրենը:
Նա հայտնել է՝ երբ տեսել է, թե ինչքան գումար կա հոր տաբատի գրպաններում, որոշել է այդ գումարի մի մասը վերադարձնել հորը: Այնուհետև իմացել է, որ հայրը դիմել է ոստիկանություն, վերադարձրել է նաև մնացած գումարը: Հափշտակած գումարից ծախսել է միայն 360 հազար դրամը, դրանից 280 հազար դրամով էլ մոր համար հեռախոս է գնել: Մնացած 80հազար դրամը պարտավորվում է վերադարձնել:
Նվերը դատարանում ասել է, թե կատարածի համար ամաչում է, ինքը չի իմացել՝ կոնկրետ ինչքան գումար կա հոր տաբատի գրպանում, զղջում է, խնդրում է մեղմ պատիժ նշանակել:
Տուժողը՝ Նվերի հայր Հենրիկը, հայտնել է, որ գումարը թաքստոցից վերցրել, դրել էր տաբատի աջ ու ձախ գրպանները: Իր գրպաններում միշտ էլ գումար եղել է՝ ոչ այդքան շատ, բայց եղել է, Նվերը դա լավ գիտեր:
Դեպքի օրը մտել է լոգասենյակ, տաբատը դրել է զուգարանակոնքի վրա, մտել է լողանալու: Հանկարծ որդին կտրուկ բացել է իր կողմից չփակված դուռը, զուգարանակոնքի վրայից վերցրել է իր տաբատը ու դիմել է փախուստի:
Ինքը ինչպես որ կար՝ մերկ վիճակում, վազել է որդու հետևից: Իրենց բակում դիպել է լվացքի պարանին ու ընկել է գետնին: Նվերը պարսպի վրայով ցատկել ու փախել է՝ հետը տանելով իր տաբատն ու գումարները:
Հաջորդ օրն ինքը հաղորդում է տվել ոստիկանությունում:
Հունիսի 6-ի առավոտյան ինքը դուրս է եկել բակ, տեսել է ՝ կապույտ թղթե տոպրակ, մեջը՝ կոնֆետ ու գումար՝ 2 հազար դոլար և 2 միլիոն 100 հազար դրամ: Գումարի հետ եղել է նաև իր լուսանկարը, որի հակառակ կողմում գրված էր. «Եթե չբողոքես, մնացածն էլ կստանաս»: Լուսանկարը ինքը այրել է…
Նվերը հաջորդող օրերին վերադարձրել է մնացած գումարը՝ ընդհանուր՝ 12 հազար 900 դոլար, իսկ 360 հազար դոլարը, ճիշտ է, չի վերադարձրել, բայց այդ գումարից մոր համար հեռախոս է առել, մնացածն էլ խոսք է տվել, որ կվերադարձնի…
Հենրիկն ասել է, թե որդին իր գումարը վերադարձրել է, ինքը այլևս չի բողոքում որդուց, պարտքուպահանջ չունի, ներել է Նվերին: Նա խնդրեց որդու նկատամամբ սահմանել ազատազրկման հետ չկապված պատիժ:
Դատարանը Նվեր Հ.-ին մեղավոր է ճանաչել հորը կողոպտելու համար՝ ՀՀ քրեական օրենսգրքի 176 հոդվածի 3-րդ մասի 1-ին կետով, դատապարտել է 4 տարի ազատազրկման, նրա նկատմամբ պայմանական դատապարտություն է կիրառել ու սահմանել է 2 տարի փորձաշրջան:
Idram and IDBank Participated in the Opening of My Forest Armenia’s Pavilion at COP17
A Birthday in Italy with Unibank
Young Musicians of the “Armenian Virtuosos” Program Perform in the COP17
With Ucom’s Support, SunChild Brings Cinema and Environmental Conservation Together
“The people of Stepanavan will show through their votes that every attempt to deceive them with vide...
Ucom Highlights the Role of Technology in Nature Conservation at COP17
