Մինսկում հայտնվել է արևային վահանակների մի ամբողջ «դաշտ», բայց այն գտնելը հեշտ չէ

Արևային վահանակները այլևս նորություն չեն Բելառուսում։ Սակայն դեպի հորիզոն ձգվող ամբողջական «դաշտերը» դեռևս «մեր բանը չեն»։ Մենք, օրինակ, չունենք Չինաստանի տարածքը կամ այնտեղի արևային վահանակների տեղադրումների մասշտաբները։ Առավել ևս ավելի դժվար է պատկերացնել մայրաքաղաքի կենտրոնում գտնվող մեծածավալ «էլեկտրակայան», այստեղ հաշվի է առնվում յուրաքանչյուր քառակուսի մետր։ Եվ այնուամենայնիվ, կան ժամանակակից տեխնոլոգիաներ ներդնելու տարբերակներ, գրում է realt.onliner.by–ը։

Մինչ մենք ապրում էինք մեր սովորական կյանքով՝ կենտրոնացած աչքերի մակարդակի վրա, «Տիտան» առևտրի կենտրոնի տանիքին տեղադրվում է արևային էլեկտրակայան։ Աշխատանքներն  ավարտվել են, կայանատեղիի տանիքին տեղադրվել է 180 մոդուլ, որոնցից յուրաքանչյուրը 580 վատտ հզորությամբ։ Ակնկալվում է, որ այդ «բանակը» բավարար կլինի նոր առևտրի կենտրոնի և զվարճանքի գոտիների լուսավորության համար անհրաժեշտ էներգիան արտադրելու համար։

«Էլեկտրակայանը զբաղեցնում է մոտավորապես 500 քառակուսի մետր տարածք՝ 104.4 կՎտ հզորությամբ։ Կայանի համար տարածքը մանրակրկիտ է ընտրվել։ Ավտոկայանատեղիի հարթ տանիքը լավագույն ընտրությունն էր. այն չունի օդափոխման հորաններ, օդատարներ կամ կոմունալ գծեր։ Մեկ այլ առավելությունն այն է, որ հարևան շենքերը ստվեր չեն գցում արևային վահանակների վրա։ Արևային էլեկտրակայանը կաշխատի ամբողջ տարին։ Արևոտ օրերին արևային վահանակները կապահովեն էներգիայի մեծ մասը, իսկ մթնշաղին կօգտագործվի սովորական էլեկտրացանցը», - բացատրել է կառուցապատող Սիգմապոլիս ընկերությունը։

Էլեկտրակայանի ներդրումը, կանխատեսումների համաձայն, կփոխհատուցվի 4-5 տարվա ընթացքում։ Եթե փորձը հաջող լինի, նախագիծը կընդլայնվի և կներառի այլ կառուցապատողների տարածքներ, այդ թվում առևտրի և զվարճանքի համալիրներ և գրասենյակային շենքեր։ «Հնարավոր է նման կայանները հաջորդ 10-20 տարիների ընթացքում դառնան նորմա Մինսկի համար և նպաստեն մայրաքաղաքում վերականգնվող էներգիայի աղբյուրների դերի բարձրացմանը։ Սա ոչ միայն ծախսարդյունավետ ներդրում է, այլ նաև կարևոր քայլ կանաչ քաղաքային ենթակառուցվածքներ ստեղծելու և քաղաքի ածխածնային հետքը նվազեցնելու գործում», - նշել է կառուցապատողը։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]