Մազերի պահպանման գաղտնիքները

Ամեն երկրում կանայք ունեն մաշկի, մազերի խնամքի տեղային, յուրահատուկ միջոցներ, որոնցից օգտվել են դարեր շարունակ, մինչև կստեղծվեին համընդհանուր օգտագործման կոսմետիկական միջոցները: Woman.ru-ն առանձնացրել է 7 երկրներում ընդունված գեղեցկության պահպանման գործուն մեթոդներ:

Բրազիլիա Երբևէ մտածե՞լ եք, թե ինչու բրազիլուհիների ազդրերին ցելյուլիտի հետքեր անգամ նկատելի չեն: Մոդելները, որոնք ծագումով կառնավալի հայրենիքից են, ունեն անթերի տեսք: Գաղտնիքը հետևյալն է. բրազիլուհիները որքան հնարավոր է շատ ժամանակ են անցկացնում ավազի վրա: Նրանք գիտեն, որ մաշկում միկրոշրջանառության լավացումը ցելյուլիտի կանխարգելման լավագույն միջոցն է: Ուստի նրանք նաև ազդերը թաց ավազով տրորում են: Այս յուրօրինակ սկրաբը կարծես լավ էլ գործուն է:

Շվեդիա Այս հյուսիսային երկրում սառույցն օգնում է կանանց պահպանել գեղեցկությունը: Շվեդիայի գեղեցիկ սեռի ներկայացուցիչները դարեր շարունակ սառույցն օգտագործել են գեղեցկության պահպանման համար: Վերջին տարիներին շվեդուհիների մոտ նորաձև է դարձել հանքային ջուր սառեցնելը: Նրանք հանքային ջրով սպիտակ թեյ են պատրաստում, սառեցնում, ապա խորանարդիկներով սառույցի վերածում: Խորանադրիկներն օգտագործում են որպես թարմացնող տոնիկ:

Հունաստան Ըստ ավանդության՝ հունական աստվածներն իրենց մազերի առողջությունն ապահովել են հազրեվարդի միջոցով: ՛՛Աստվածային՛՛ դեղամիջոցն այսօր հասու է բոլորին. Հարկավոր է հազրեվարդի մի քանի թարմ կամ չորացրած ճյուղ եփել երկու լիտր ջրում, թողնել որ սառչի: Բուժիչ ջրով մազերը ցայեք լվանալուց հետո: Թուրմը գլխամաշկը կմաքրի աղտից ու կնպաստի մազերի աճին:

Դոմինիկյան Հանրապետություն Հնագիտական գտածոներն ապացուցում են, որ Դոմինիկյան Հանրապետության բնակիչները հնուց սխտորն օգտագործել են գեղեցկության պահպանման նպատակով: Դեռևս 15-րդ դարում Դոմինկյան կղզիների բնակիչ կանայք սխտորի հյութը քսում էին եղունգներին: Այսօր այդ երկրի բնակչուհիներն ավելի կատարյալ մեթոդ են կիրառում. սխտորը մանր կտրատում են, լցնում եղունգի թափանցիկ լաքի մեջ, թողնում 10 օր և քսում եղունգներին: Մի վախեցեք, հոտ չի զգացվում: Իսկ սխտորը, հակաբիոտիկ էֆեկտից բացի նաև նպաստում է եղունգների ամրացմանն ու աճին:

Եգիպտոս Հանելուկային ու գեղեցկուհի Կլեոպատրա թագուհու շնորհիվ աշխարհն իմացավ կաթի հրաշագործ ազդեցության մասին: Կլեոպատրայի ու նաև մի շարք այլ հայտնի եգիպտուհիների մաշկի խնամքի գաղտնիքը կաթով պարբերական լոգանքներն էին: Արդյունքի հասնելու համար լիտրերով կաթ պետք չէ, բավական է ջրի մեջ 3 բաժակ չոր կաթ ավելացնելը: Կաթի 20 րոպեանոց լոգանքից հետո ձեր մաշկը կդառնա անասելի նուրբ, փափուկ ու հարթ:

Չինաստան Չինաստանում, որտեղ գնահատում են հարթ ու սպիտակ մաշկը, հատկապես մեծ ուշադրություն են դարձնում մաշկի խնամքին: Չինուհիները լոսյոնի փոխարեն օգտագործում են բրնձի ջուր: Այն ստանալու համար հարկավոր է 100 գրամ բրինձը լցնել 1 շիշ ջրի մեջ, թողնել 30 րոպե և պատրաստ է: Դեմքը մաքրեք բրնձաջրով:

Կրախմալը սպիտակեցնում և փափկեցնում է մաշկը, իսկ կալիումը պայքարում է չորության դեմ: Ֆրանսիա Ասում են, որ ֆրանուհիներն ավելի դանդաղ են ծերանում: Գուցե պատճառը հատուկ բաղադրատոմսն է: Ֆրանսուհիների կարծիքով բալի և նռան ճզմվածքով խառնուրդը հակատարիքային հրաշալի դիմակ է: Բնական նյութերը սնուցում են մաշկը, նրան են փոխանցում իրենց պարունակություն հակաօքսիդանտները, ինչի շնորհիվ մաշկն առողջ գույն է ձեռք բերում: Խառնուրդը հարկավոր է դեմքին քսել շաբաթական մեկ անգամ, 5-6 րոպեով: Դիմակը մաքրեք տաք սրբիչով, դա կնպաստի միկրոշրջանառության լավացմանը:

Նյութերը մասնակի կամ ամբողջությամբ մեջբերելիս ակտիվ` հիպերլինքով հղումը Ankakh.com-ին պարտադիր է: