Մեզ, հայերիս, համար Վրաստանի օրինակը պետք է դաս լինի, որ երկու լարի վրա խաղալու քաղաքականությունը տանելու է Հայաստանին պետականության և ժողովրդի վտանգման․ Մհեր Ավետիսյան
Մհեր Ավետիսյանը ֆեյսբուքյան իր էջում գրել է․
Մեծ հաշվով Արևմուտքը Վրաստանից պահանջում է «ՉԳՑԵԼ» իրեն և կանգնել հավաքական Արևմուտքի կողքին, օգնել հավաքական Արևմուտքին Ռուսաստանը քանդելու գեոպոլիտիկական գործողության մեջ։
Վրաստանի դերը` 2-րդ ճակատ բացելն է, և, ինչպես Արևմտյան գործիչները ուղիղ տեքստով Բիձինա Իվանաշվիլիին են փոխանցել իրենց տեսակետը, Վրաստանը պետք է պատերազմ սկսի Ռուսաստանի հետ, մի երկու օր կռվի, որից հետո բարձրանան սարերը և դառնան պարտիզաններ, բնականաբար՝ արդյունքում ունենալով տասնյակ հազարավոր զոհեր և պետականության կորուստ։
Հիմա Վրաստանը չի ցանկանում выполнить Արևմուտքի այդ պահանջը, իսկ Արևմուտքի տեսանկյունից դա նշանակում է, որ Վրաստանը ուզում է «գցել» Արևմուտքին։ Արևմուտքն ասում է, երբ ամեն ինչ լավ էր, դուք, վրացիներ, սիրում էիք մեզ, գալիս էիք դեպի Արևմուտք, իսկ հիմա, երբ պետք է աջակցեք Արևմուտքին, ուզում եք «թռնել մեր վրայից» (ժողովրդական լեզվով ասած)։
Ես բազմիցս նշել եմ, որ հնարավոր չէ երկու լարի վրա խաղալ՝ ինչո՞ւ, որովհետև Արևմուտքը թույլ չի տալիս։ Արևմուտքն ասում է, եթե դու իմ հետ ես, ուրեմն պետք է իմ հետ լինես և լավ, և վատ օրերին, և պետք է օգնես ինձ իմ գեոպոլիտիկ խնդիրները լուծելու ճանապարհին, այսինքն` դու պետք է ինքնազոհության գնաս որպես պետություն և ժողովուրդ, կորցնես քո պետականությունը, զոհես քո ժողովրդին հանուն Արևմուտքի շահերի։
Սա է Արևմուտքի պահանջը Վրաստանից, բայց նաև սա է Արևմուտքի պահանջը մնացած բոլոր հետսովետական երկրներից և ոչ միայն, որոնք ուզում են ինտեգրվել այսպես ասած՝ հավաքական Արևմուտք։
Մեզ, հայերիս, համար Վրաստանի օրինակը պետք է դաս լինի, որ երկու լարի վրա խաղալու քաղաքականությունը տանելու է Հայաստանին պետականության և ժողովրդի վտանգման, որովհետև Արևմուտքը Հայաստանից ևս պահանջելու է աջակցել հավաքական Արևմուտքին՝ Ռուսաստանի քանդման գործընթացում, իսկ դա նշանակում է, որ Հայաստանը դառնալու է Ռուսաստանի թշնամին՝ իր բոլոր հետևանքներով։
Թե մեզ թվում է, որ կարողանո՞ւմ ենք «գցել» Արևմուտքին, թե մեզ թվում է, որ մենք այնքան խելացի ենք, որ կարող ենք երկու լարի վրա խաղալով փախչել, խաբել և շուստրիություններ անելով օգտագործել և Արևմուտքին, և Ռուսաստանին և նրանց բոլոր դաշնակիցներին, սա, իհարկե, միամիտ և ոչ ճիշտ մտածողություն է։ Մենք պետք է կարողանանք մեր շահերը հաշվել և առաջնորդվել մեր պետական շահերով, իսկ Հայաստանի պետական շահերը համընկնում են բացառապես Ռուսաստանի հետ, ի դեպ՝ Վրաստանի պետական շահերը ևս համընկնում են բացառապես Ռուսաստանի հետ, բայց հիմա Արևմուտքը Վրաստանին ասում է, որ դու չես կարող մեզ «գցել» և առաջնորդվել քո պետական շահերով։ Իհարկե այստեղ կա նաև Վրաստանի գործող իշխանության մեծ սխալը՝ նրանք, որքան էլ որ փորձում են հիմա դիրքավորվել դեպի ռուսական կողմնորոշում, այնուամենայնիվ հույս են թողնում, որ կարող են շարունակել երկու լարի վրա խաղալ, որի արդյունքները մենք հիմա տեսնում ենք Թբիլիսիի փողոցներում։
Մեծ հաշվով Արևմուտքը Վրաստանի իշխանություններին ասում է՝ կամ դուք գլուխներդ կհավաքեք, կօգնեք մեզ ձեր ինքնաոչնչացման գնով, որպեսզի Ռուսաստանը քանդենք, կամ մենք պետք է Վրաստանում հեղափոխություն անենք, իշխանության բերենք այնպիսի ուժերի, ովքեր կգան և խելոք կանեն այն ամենը, ինչ նրանցից պահանջում է Արևմուտքը։ Ահա սա է երկու լարի վրա խաղալու քաղաքականության արդյունքը՝ իր բոլոր բացասական հետևանքներով։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
