Հայաստանն ու Իրանը համատեղ արտադրական ձեռնարկություններ ու գործարաններ բացելու պայմանավորվածություն ունեն. իրանցի նախարար
Երևանն ու Թեհրանը պայմանավորվածություն ունեն համատեղ արտադրական ձեռնարկություններ ու գործարաններ բացել ինչպես Իրանում, այնպես էլ Հայաստանում։
Մոսկվայում «Արմենպրես»-ի թղթակցի հարցին ի պատասխան՝ այս մասին ասել է Իրանի Իսլամական Հանրապետության արդյունաբերության, հանքերի և առևտրի նախարար Մոհամադ Աթաբակը՝ անդրադառնալով Եվրասիական տնտեսական միության և Իրանի միջև ազատ առևտրի համաձայնագրի շրջանակում իրականացվող աշխատանքներին և այդ համատեքստում Հայաստանի հետ համագործակցությանը։
«Հայաստանի Հանրապետության հետ մեր երկիրը ունի շատ լավ հարաբերություններ։ Երկու երկրների միջև տնտեսական ու առևտրային համագործակցության ծավալներն աստիճանաբար աճում են։ Վերջերս նախագահ Մասուդ Փեզեշքիանի հետ մեր այցի ընթացքում քննարկել ենք համագործակցության բոլոր ոլորտները՝ արտադրություն, առևտուր, ապրանքների մատակարարում և հանածոների մշակում։ Խոսվել է նաև փոխադարձ ներդրումների, արտադրական նախագծերի իրականացման և շուկաներում իրացման հնարավորությունների ընդլայնման մասին։ Ունենք պայմանավորվածություն համատեղ արտադրական ձեռնարկություններ և գործարաններ բացելու վերաբերյալ ինչպես Իրանում, այնպես էլ Հայաստանում»,- նշել է իրանցի նախարարը և ընդգծել, որ կողմերը համագործակցության մեծ ներուժ են տեսնում։
Նշենք, որ այսօր՝ սեպտեմբերի 24-ին, Մոսկվայում մեկնարկել է Եվրասիական տնտեսական միության և Իրանի Իսլամական Հանրապետության միջև ամբողջական ազատ առևտրի համաձայնագրի իրականացման համատեղ կոմիտեի առաջին նիստը։ Նիստի օրակարգում են Իրանի կողմից ԵԱՏՄ երկրներից ապրանքների ներմուծման քանակային սահմանափակումների և տեխնիկական խոչընդոտների վերացումը, առևտրի թվայնացումը, «Հյուսիս-Հարավ» միջազգային տրանսպորտային միջանցքի զարգացումը և երկկողմ հետաքրքրություն ներկայացնող այլ արդիական հարցեր։
Ucom-ն ընդլայնում է միջազգային ռոումինգի հնարավորությունները
Աստված պահապան մեր հրաշք Հայաստանի Հանրապետությանը. Ուժեղ Հայաստան վստահաբար ունենալու ենք. Արամ Վար...
Առանց հանքարդյունաբերության տեխնոլոգիական առաջընթացն անհնար է․ Վարդան Ջհանյան
Սաուդյան Արաբիան, Թուրքիան և Պակիստանը համատեղ պաշտպանության մասին համաձայնագիր են կնքել. Արտակ Զաքա...
Մենք չենք տրվելու թուրք-ադրբեջանական պարտադրանքին. Ավետիք Չալաբյան
Օդի ջերմաստիճանը կնվազի․եղանակն՝ առաջիկա օրերին
Առաջին ելույթս Ազգային ժողովում․ Մամիկոն Ասլանյան
Ազատազրկումը՝ որպես քաղաքական գործիք. Ավետիք Չալաբյանի գործը և մարդու իրավունքների ճգնաժամը
Անհավասարակշռության և նոր կախվածության վտանգները. «Փաստ»
Դատական նիստից հետո Մայր Տաճարում Վեհափառ Հայրապետը աղոթք է հնչեցնում ժողովրդի հետ
