Ռուսաստանում դիզելային վառելիքի գինը հասել է վերջին 1,5 տարվա առավելագույնին

Սեպտեմբերի 8-ին Պետերբուրգի բորսայում դիզելային վառելիքի գինը մեկ տոննայի համար հասել է 63 023 ռուբլու՝ նշելով ամենաբարձր ցուցանիշը 2024 թվականի ապրիլից հետո։ Այս մասին տեղեկացնում են բորսայի տվյալները։

Միաժամանակ, բենզինի գները շաբաթվա սկզբին նվազել են, սակայն շարունակում են մնալ գրեթե պատմական առավելագույն մակարդակներում։ ԱԻ-92 տեսակի բենզինը էժանացել է 0,38 տոկոսով՝ հասնելով 71 408 ռուբլու, իսկ ԱԻ-95-ը՝ 0,9 տոկոսով՝ մինչև 79 539 ռուբլի։ Սիբիրում և Հեռավոր Արևելքում բենզինի գները նույնպես նվազել են, բայց ԱԻ-92 տեսակը դեռ թանկ է մնում՝ գրեթե հավասարվելով ԱԻ-95-ի արժեքին։

Ավելի վաղ ՖԱՍ-ի փոխղեկ Վիտալի Կորոլյովը չէր բացառել բենզինի արտահանման արգելքի երկարաձգումը, որն ուժի մեջ է մինչև սեպտեմբերի վերջ։ Սպասվում է, որ վառելիքի ներքին պահանջարկը մասամբ կբավարարեն սեպտեմբերին աշխատանքային ռեժիմ վերադարձող նավթավերամշակման գործարանները։