Ընտանիքով նույն կառույցում. «Փաստ»

«Փաստ» օրաթերթը գրում է.

ՀՀ գնումների բողոքարկման խորհրդի անդամ Մհեր Անանյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Ըստ հայտարարագրի՝ Անանյանին է պատկանում մեկ բնակարան, բացի այդ փոխառություններ է հանձնել 73 հազար ամերիկյան դոլարի չափով, բայց առանձին–առանձին՝ 25 հազար ու 48 հազար ԱՄՆ դոլար:

Դրամական միջոցներն ունեցել են հետևյալ պատկերը՝ 58 հազար ամերիկյան դոլար, 1 միլիոն 800 հազար դրամ ու 8 հազար 500 եվրո: Տարեսկզբից մինչև պաշտոնը ստանձնելու ժամանակահատվածում էլ ստացել է 3 միլիոն 108 հազար դրամ եկամուտ, որից 3 միլիոն 71 հազար դրամը աշխատավարձն է, իսկ 37 հազար 790 դրամը՝ տրված փոխառությունների՝ վարկերի դիմաց ստացված տոկոս:

Հայտարարագրից նաև տեղեկանում ենք, որ Անանյանի ընտանիքի ևս երկու անդամներ՝ եղբայրները, նույնպես պետական պաշտոններ ունեն: Նրանցից մեկը Ոստիկանության բժշկական վարչության պետի տեղակալն է, իսկ մյուսը՝ ֆինանսների փոխնախարար Դավիթ Անանյանն է: Ստացվում է, որ երկու եղբայրները միասին են աշխատում:

Շարունակությունը՝ «Փաստ» օրաթերթի այսօրվա համարում