«Մեր ձևով» շարժումը կկարողանա արժանապատիվ կյանքի նոր փուլ սկսել
«Մեր ձևով» շարժման հաջողությունը մեծապես կախված է լինելու Սամվել Կարապետյանի կոնկրետ գործունեությունից՝ քաղաքական հողի վրա իրականացվող քայլերից ու հանրությանը հղվող ուղերձներից։ «Փաստ»-ի հետ զրույցում այս մասին նշել է «Արդար Հայաստան» կուսակցության նախագահ Նորայր Նորիկյանը։
«Կարծում եմ, որ «Մեր ձևով» շարժումը հիմնականում պայմանավորված է Սամվել Կարապետյանի անձով, և դրա հաջողությունը մեծապես կախված է լինելու նրանից, թե ինչպիսի գործունեություն կիրականացնի իրական հողի վրա և ինչ ուղերձ կհղի հանրությանը։ Ընդ որում, ես այն մարդկանցից եմ, ովքեր հենց առաջին օրը, երբ Սամվել Կարապետյանը հայտնվեց անազատության մեջ, ընդգծել եմ, որ սա կամայական, առանց իրավական լուրջ հիմնավորման քրեական հետապնդման դրսևորում է»,- ասել է Նորիկյանը։
Նրա խոսքով՝ շարժման հաջողության առանցքային գործոնը լինելու է այն, թե ինչպիսի ուղերձով և ինչ ուղղությամբ այն կներկայանա հանրությանը։
Հիշեցնենք, որ օրերս Երևանում հանդիսավոր կերպով հայտարարվեց «Մեր ձևով» կամավորական շարժման ստեղծման մասին։ Շարժման նախաձեռնողը Սամվել Կարապետյանն է, իսկ համակարգողը՝ Նարեկ Կարապետյանը։ Վերջինս նշել է, որ շարժումը կամավորական բնույթ է կրում՝ որպես հարթակ, որը թույլ է տալիս մեծ ու բարի գործեր իրականացնել՝ առանց հասարակությանը բաժանելու։ Հետագայում դրա հիմքի վրա նախատեսվում է ձևավորել քաղաքական կուսակցություն, որի գաղափարական առաջնորդը կլինի հենց Սամվել Կարապետյանը։
«Հայաստանը ես եմ» նախաձեռնության ղեկավար Նաիրի Սարգսյանն էլ «Փաստ»-ի հետ զրույցում նշել է․ «Ցանկացած առողջ շարժում, որը կարող է համատեղ ուժերով օգտակար լինել այս իշխանությանը հեռացնելուն, ես միայն ողջունում եմ»։ Միևնույն ժամանակ նա հավելել է, որ շարժման ծրագրերին ծանոթ չէ և այլ մանրամասներ չի կարող ասել։
Նշենք, որ «Մեր ձևով» շարժումը առաջիկայում հրապարակելու է իր ծրագրերը։ Սամվել Կարապետյանը, շարժման մեկնարկի առթիվ հղած ուղերձում, ընդգծել էր․
«Վստահ եմ՝ միասին մենք կկարողանանք նոր փուլ սկսել մեր երկրի կյանքում։ Հայ ժողովուրդն արժանի է արժանապատիվ կյանքի, իսկ մեր պետությունը՝ հարգանքի։ Եվ այդ ամենին մենք հասնելու ենք ամենօրյա նվիրված աշխատանքով։ Անելու ենք՝ Մեր ձևով»։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Դիլիջան-Վանաձոր ճանապարհին մեքենան դուրս է եկել երթևեկելի հատվածից և բախվել հողաթմբին․ վարորդն արգել...
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
